ئایا پێویستە سەر بە ڕێکخراوەیەکی ئایینی دیاریکراو بیت؟
وەڵامی پەرتووکی پیرۆز
بەڵێ، چونکە خودا فەرمانی بە مرۆڤ کردووە کە بە کۆمەڵ ئەو بپەرستن، واتە لە کۆبوونەوەکاندا. پەرتووکی پیرۆز بەم شێوەیە هانمان دەدات: «هەروەها با ئاگاداری یەکتری بین بۆ هاندان لەسەر خۆشەویستی و کاری چاک. با واز لە کۆبوونەوەکان نەهێنین.»—عیبرانییەکان ١٠:٢٤، ٢٥، ژێرنووس.
عیسا سەبارەت بە پەیڕەوانی وتی: «بەمە هەموو خەڵک دەزانن کە قوتابی منن— ئەگەر خۆشەویستیتان بۆ یەکتری هەبێت.» بەم شێوەیە، هەموو پەیڕەوانی عیسا بە قوتابی دادەنرێن و گروپێکی دیاریکراو پێکدەهێنن کە بە خۆشەویستیان بۆ یەکتری دەناسرێن. (یۆحەنا ١٣:٣٥) وەک ڕێگایەکی سەرەکی بۆ دەربڕینی ئەم خۆشەویستییە، قوتابییەکانی مەسیح لەگەڵ خۆشک و برایانی باوەڕدار تێکەڵ دەبوون. ئەوان لە کۆبوونەوە وەک کۆمەڵ بۆ بەردەوامی پەرستنی خودا ڕێکدەخرێن. (١ کۆرنسۆس ١٦:١٩) ئەوان خۆشەویستی بۆ هەموو برا باوەڕدارەکانیان لە هەموو گۆشەیەکی جیهان نیشان دەدەن.—١ پەترۆس ٢:١٧.
پێویستە زیاتر لەوەی کە تەنها سەر بە ئایینێک بیت
هەرچەندە پەرتووکی پیرۆز دەڵێت خەڵک دەبێت بە کۆمەڵ خودا بپەرستن، بەڵام فێری ئەوە ناکات کە تەنها ئەندامبوون لە ئایینێک یان مەزهەبێک دەتوانێت خودا ڕازی بکات. ئەگەر کەسێک ڕەزامەندی خودای دەوێت، دەبێت باوەڕ یان ئایینەکەی کاریگەری لەسەر هەموو لایەنەکانی ژیانی هەبێت. بۆ نموونە، پەرتووکی پیرۆز دەڵێت: «ئایینی پاک و بێگەرد لەلای خودای باوک ئەمەیە: بەسەرکردنەوەی هەتیوان و بێوەژنان لە تەنگانەیاندا، هەروەها خۆی لە گڵاویی جیهان بپارێزێت.»—یاقوب ١:٢٧، ژێرنووس.
لەوانەیە تۆش پێت خۆش بێت
فێرکردنە بنەڕەتیەکانی پەرتووکی پیرۆز
ئایا خودا هەموو پەرستنێک قبووڵ دەکات؟
زۆر لە مرۆڤەکان وا بیردەکەنەوە کە گرنگ نییە سەر بە چ ئایینێک بی.
دەربارەی ئێمه
بەشداربوون لە کۆبوونەوەکان
دەربارەی کۆبوونەوەکانمان فێربە. شۆێنی کۆبوونەوەی نزیک خۆت بدۆزەرەوە.