دوو هۆکار چین کە خودا هەندێک لە دۆعاکان ڕەت دەکاتەوە؟
وەڵامی پەرتووکی پیرۆز
هەندێک دۆعا هەیە کە خودا وەڵامیان ناداتەوە. دوو هۆکار لەبەرچاو بگرن کە دەبێتە هۆی ئەوە کە خودا پاڕانەوەی هەندێک مرۆڤ پشتگوێ بخات.
١. پاڕانەوەیەک کە لە دژی خواستی خودا بێت
خودا ئەو دۆعایانەی کە لە دژی خواستی ئەو، وە لە دژی داواکارییەکانی پەرتووکی پیرۆزن وەڵام ناداتەوە. (١ یۆحەنا ٥:١٤) بۆ نموونە، پەرتووکی پیرۆز داوا دەکات کە خۆمان لە چاوچنۆکی بەدوور بگرین. قومار چاوچنۆکی زیاتر دەکات. (١ کۆرنسۆس ٦:٩، ١٠) کەواتە، ئەگەر بۆ بردنەوەی تیروپشک دۆعا بکەیت خودا وەڵامی پاڕانەوەکەت ناداتەوە. خودا جنۆکە نییە کە بۆ جێبەجێکردنی خواستەکانت بتوانیت بانگی بکەیت. لە ڕاستیدا، دەتوانیت بۆ ئەمە سوپاسگوزار بیت. چونکە ئەگەر وا نەبووایە، لەوانەیە کە بترسیت لەو شتەی کە خەڵک داوای لە خودا دەکەن—یاقوب ٤:٣.
٢. دۆعای ئەو کەسانەی کە بە کردەوەکانیان یاخی دەبن
خودا گوێ لەو کەسانە ناگرێت کە بریاریان داوە بە کردەوەکانیان تورەی بکەن. بۆ نموونە، خودا بە ئەو کەسانەی کە ئیدیعای خزمەتکردنی خودا دەکەن، بەڵام بە کردەوە لە خودا یاخین، فەرمووی: «تەنانەت ئەگەر نۆێژیش زۆر بکەن، من گوێ ناگرم. دەستتان بە خوێن سوور بووە!» (ئیشایا ١:١٥) پەرتووکی پیرۆزی کوردی سۆرانی ستاندەر (KSS) بەڵام ئەگەر ڕەفتارەکانیان بگۆڕایە و کارەکانیان لای خوا چاک بکردایەتەوە «ئێستا وەرن یە کلای بکەینەوە» لەو کاتەدا خودایش گوێی لە دۆعاکانیان دەگرت—ئیشایا ١:١٨
لەوانەیە تۆش پێت خۆش بێت
فێرکردنە بنەڕەتیەکانی پەرتووکی پیرۆز
ئایا خودا گوێ لە هەموو دوعایەک دەگرێت؟
چ دەبێت ئەگەر کەسێک لە ڕووی خۆپەرستیەوە دوعا بکات؟ ئایا چۆن دەبێت ئەگەر مێردێک بێڕێزی بە هاوسەرەکەی بکات پاشان داوای بەرەکەت لە خودا بکات؟
فێرکردنی پەرتووکی پيرۆز
کۆرسی پەرتووکی پیرۆز تاقی بکەنەوە
کۆرسی پەرتووکی پیرۆز هەنگاو بە هەنگاو بە خۆڕایی وەربگرە.