بچۆ سه‌ر ناوه‌ڕۆک

بچۆ سه‌ر لیستی ناوه‌ڕۆک

 بە‌ش ٢٣

بڵاوبوونە‌وە‌ی هە‌واڵی خۆش

بڵاوبوونە‌وە‌ی هە‌واڵی خۆش

پۆلس چە‌ند گە‌شتێکی مزگێنیدان بە ووشکانی و دە‌ریادا دە‌کات

دوابە‌دوای ئە‌وە‌ی کە پۆلس بوو بە مە‌سیحی،‏ بە‌دڵوگیانە‌وە هە‌واڵی خۆشی دە‌ربارە‌ی پادشاهێتی خودا ڕاگە‌یاند.‏ بە‌ڵام ئە‌م جارە ئە‌و کە‌سە‌ی کە پێشتر خۆی چە‌وسێنە‌ر بوو ئێستا ڕووبە‌ڕووی چە‌وسانە‌وە‌یە‌کی توندوتیژ دە‌بێتە‌وە.‏ ئە‌و نێرراوە ماندوونە‌ناسە چە‌ندین گە‌شتی مزگێنیدانی کرد،‏ گە‌شتی دوورو بە‌ربڵاوی کرد بۆ بڵاوکردنە‌وە‌ی هە‌واڵی خۆش دە‌ربارە‌ی ئە‌و پادشاهێتییە‌ی مە‌بە‌ستی بنە‌ڕە‌تی خودا بۆ مرۆڤ بە‌دیدە‌هێنێت.‏

لە لە‌ستە‌ر لە‌کاتی یە‌کە‌مین گە‌شتی مزگێنیدانیدا،‏ پۆلس پیاوێکی بە‌زگماك شە‌لی چاککردە‌وە.‏ جە‌ماوە‌رە‌کە هاواریان کردو ووتیان پۆلس‌و هاوڕێکە‌ی بە‌رناباس خودان.‏ ئە‌و دوو پیاوە بە‌زۆر توانیان ڕێگا لە خە‌ڵکە‌کە بگرن قوربانییان پێشکە‌ش نە‌کە‌ن.‏ لە‌ژێر کاریگە‌ری دوژمنانی پۆلس،‏ دواتر هە‌ر هە‌مان جە‌ماوە‌ر بە‌ردبارانی پۆلسیان کردو کاتێ کە پێیان وابوو مردووە بە‌جێیان هێشت.‏ پۆلس لە‌م هێرشە دە‌ربازی بوو،‏ دواتر دووبارە گە‌ڕایە‌وە بۆ ئە‌م شارە تاکو بە‌ووشە‌ی هاندە‌رانە ئازایە‌تی بدا بە قوتابییە‌کان.‏

هە‌ندێ لە‌و جوولە‌کانە‌ی ببوون بە‌مە‌سیحی دە‌مە‌قاڵە‌یان دە‌کرد لە‌سە‌ر ئە‌و مە‌سیحییانە‌ی کە پێشتر جوولە‌کە نە‌بوون‌و دە‌یان ووت دە‌بێ بە‌شێك لە‌یاسای موسایان بە‌سە‌ردا بسە‌پێندرێت.‏ پۆلس مە‌سە‌لە‌کە‌ی خستە بە‌ردە‌م نێرراوان‌و پیران لە ئۆرشە‌لیم.‏ دوای لێکۆڵینە‌وە‌یە‌کی وورد لە پە‌رتووکی پیرۆزو بە ڕێنمایی ڕۆحی پیرۆز،‏ ئە‌و پیاوانە نامە‌یان بۆ کۆمە‌ڵانی مە‌سیحییە‌ت نووسی،‏ ڕایانسپاردن خۆیان دووربخە‌نە‌وە لە گڵاوی بت و داوێن پیسی،‏ گۆشتی ئاژە‌ڵی مردار و خواردنە‌وە‌ی خوێن.‏ ئە‌م ڕاسپاردانە شتێکی پێویست بوون،‏ گوێڕایە‌ڵی بۆئە‌مانە مانای ئە‌وە‌نە‌بوو دە‌بێ یاسای موسا بسە‌پێندرێ (‏کرداری ن‍ێ‍رراوان ١٥:‏٢٨،‏ ٢٩‏)‏.‏

لە‌گە‌شتی دووهە‌می مزگێنیدانیدا،‏ پۆلس سە‌ردانی بیریە‌ی کرد کە ئە‌مڕۆ بە یۆنان ناسراوە.‏ ئە‌و جوولە‌کانە‌ی کە لە‌وێ دە‌ژیان ووشە‌کە‌یان بە‌پە‌رۆشە‌وە وە‌رگرت،‏ هە‌موو ڕۆژێك دە‌ستیان دە‌کرد بە ڵێکۆڵینە‌وە‌ی پە‌رتووکی پیرۆز تاکو لە ڕاستی مە‌سە‌لە‌کان دڵنیابن.‏ دووبارە چە‌وسێنە‌ران فە‌رمانیان بە پۆلس دا ناوچە‌کە بە‌جێ بهێڵێت،‏ ئە‌م جارە بۆ ئە‌سینا.‏ لە‌بە‌ردە‌م کۆمە‌ڵێکی ڕۆشنبیر لە ئە‌سینا،‏ پۆلس ووتارێکی زۆر بە‌هێزی دا کە نمونە‌یە‌کی ژیری بیرتیژانە‌و ڕە‌وانبێژانە بوو.‏

دوای سێهە‌مین گە‌شتی مزگێنیدانی،‏ پۆلس چوو بۆ ئۆرشە‌لیم،‏ کاتێك کە سە‌ردانی پە‌رستگاکە‌ی کرد،‏ جوولە‌کە‌کان ئاژاوە‌یە‌کیان نایە‌وە‌و ویستیان بیکوژن.‏ سە‌ربازە رۆمانیە‌کان هاتنە نێوانیان‌و بۆ لێپرسینە‌وە بردیان.‏ دواتر ئە‌و وە‌ك هاووڵاتییە‌کی ڕۆمانی لە‌بە‌ردە‌می فلیکسی فە‌رمانڕە‌وا بە‌رگری لە خۆی کرد.‏ جوولە‌کە‌کان هیچ بە‌ڵگە‌یە‌کیان لە‌دژی پۆلس نە‌هێنا بۆ تاوانبارکردنی.‏ بۆئە‌وە‌ی فستوس کە فە‌رمانڕە‌وایە‌کی ترە نە‌یدات بە‌دە‌ست یە‌هودییە‌کان پۆلس ووتی:‏ «مە‌سە‌لە‌م دە‌بە‌مە لای قە‌یسە‌ر!‏» فستوس وتی «ئیتر بڕۆ بۆلای قە‌یسە‌ر!‏» (‏کرداری نێرراوان ٢٥:‏١١،‏ ١٢‏)‏.‏

ئە‌وکات پۆلسیان بە‌بە‌لە‌م بە‌ڕێکرد بۆ دادگایی لە ڕۆما،‏ لە ڕێگادا کە‌شتییە‌کە تێکشکا.‏ هە‌ربۆیە پۆلسیان برد بۆ دورگە‌ی ماڵتا تا زستان بە‌سە‌ردە‌چێ.‏ لە‌کۆتاییدا گە‌یشتە ڕۆما،‏ لە‌وێ بۆ ماوە‌ی دوو ساڵ لە‌خانوویە‌کی بە‌کرێدا بوو.‏ هە‌رچە‌ندە ئە‌و لە‌ژێر چاودێری پاسە‌وانێك بوو،‏ بە‌ڵام وە‌ك دلێرترین نێرراو درێژە‌ی بە مزگێنیداندا دە‌ربارە‌ی پادشاهێتی خودا لە‌گە‌ڵ هە‌موو ئە‌وانە‌ی کە سە‌ردانیان دە‌کرد.‏

بە‌گوێرە‌ی کرداری نێرراوان ١١:‏٢٢-‏٢٨:‏٣١‏.‏