Shina Yela ja Yehova Kakukanjisa Yinema Yimwe, Mikanda hanji Miaso?
Ka. Yetu kutushi kuhengwola yinema, miaso hanji mikanda yimwe hanga tutese yize Yela ja Yehova atamba kutala ni kutanga. Mumu liaka?
Mbimbiliya yakukolweza atu eswe ‘afumbe shimbi yo ya mbunge’ hanga akase chinyingi hakachi ka chipema ni chipi.—A-Hepreu 5:14
Mu Mbimbiliya muli shimbi jize jakukwasa mukwa-Kristu kusakula yiheho yize atamba kutala. a Ha yuma yeswe ku mwono wetu, twatamba ‘kusa shindakenyo ha yize yakupemena kuli Mwene.’—A-Efwesu 5:10.
Mbimbiliya yakulongesa ngwo, miata a mu usoko kali ni ulite wa kukanjisa hanji kusakula yiheho yize asoko jo atamba kutala. (1 A-Korindu 11:3; A-Efwesu 6:1-4) Alioze, kuchizako mu usoko, niumwe keshi ni ulite wa kwamba ngwo, chimwe chinema, mwaso hanji chuma chikwo nawa, Yela ja Yehova katambile kuchitala hanji kuchivwa.—A-Ngalashia 6:5.
a Chakutalilaho, Mbimbiliya yakukanjisa chuma cheswacho chize chakusolola yipanda-panda, utanji ni ungalwe.—Shimbi Yamuchiali 18:10-13; A-Efwesu 5:3; A-Kolosu 3:8.
Kota Muzanga Chinji Yuma Yize Mumona
YIZULIE YAKUFUNJEKA
Videogames: Yika Mulinga Hanga Uyikumbe?
Videogames muyihasa kusehesa, alioze muyihasa nawa kuneha ponde. Kuchi muhasa kuheha videogames, aku nawa mwehuka ponde yize yakwizako?
