JW LIBRARY
Kuchiza ni kutanga Mbimbiliya—Android
Kutanga ni kulilongesa Mbimbiliya chili chikuma chilemu ha JW Library.
Kaula uno usongwelo ha kuchiza ni kutanga Mbimbiliya:
Chiza Mbimbiliya
Muhasa kuchiza Mbimbiliya jize mutanga ni kulilongesa chipwe ha Internet.
Azulula kasha ya usongwelo, pola ha Mbimbiliya hanga uwane mikanda yeswe ya Mbimbiliya.
Pola mbutau Malimi hanga umone Mbimbiliya jeswe jilimo. Mbimbiliya ja mu malimi waze wakuzachisa chinji je jili helu. Muhasa nawa kuwana Mbimbiliya unazange ha kusoneka limi hanji jina lia Mbimbiliya yacho. Chakutalilaho, nyi wasoneka “int” muwana Kingdom Interlinear mu English hanji “port” muwana Mbimbiliya jeswe mu Putu.
Mbimbiliya jize kanda uchichiza jili ni chilayi cha lelwa. Pola ha Mbimbiliya hanga uyichize. Muze Mbimbiliya muyinjila mu makina ye chilayi cha lelwa muchikatuka. Pola nawa ha Mbimbiliya hanga uyitange.
Nyi kuwamwene Mbmbiliya yize unazange, muhasa kuyifupa ha ola yikwo. Mapwa ni kuwezelako Mbimbiliya jikwo muze mujipwako.
Jimuna Mbimbiliya
Muhasa kujimuna Mbimbiliya nyi kuwayizangile nawa, hanji muze mufupa kupwa ni chihela chinene mu utulikilo we.
Azulula kasha ya usongwelo ni kupola ha Mbimbiliya, mba hi pola mbutau Malimi hanga umone Mbimbiliya jeswe jilimo. Pola ha mbutau Yinji yili sali ya Mbimbiliya muzanga kujima, hi pola Jima.
Chiza Yize Analulieka Chaha mu Mbimbiliya
Ha mashimbu hamwe, mahasa kululieka chaha Mbimbiliya yize te hiunachiza.
Mbimbiliya jize alulieka cheka yakupwa ni chilayi cha kusononona. Nyi wa pola ha Mbimbiliya mumona maliji akwamba ngwo sango ja kululieka chaha. Pola ha Kuchiza hanga mukanda upwe ni sona jize alulieka hanji pola ha Mashimbu akwo hanga ununge ni kutanga yize uli nayo.
Ayi yeswe kayifwambwishile mu Fevereiro 2015 ni JW Library 1.4, yize yakukalakala ni Android 2.3 ni aplikativa jaha. Nyi yikuma yino kuwayimwene, kaula usongwelo uli mu “Putuka Kuzachisa JW Library— Android,” ha mutwe wakwamba ngwo Chiza Yikuma Yaha.
