Ha 4 Outubro, 2024, ndumbu Nataliya Sharapova, yamutusula mu zuwo lia ususu mu Rússia. Ha 10 Julho, kamusopesele ni kumupatwila miaka yitatu mu zuwo lia ususu. Alioze amu amusele ha miaka yaali mu zuwo lia ususu shimbu te kanda achimusopesa, kashika miaka yize amuselele te hayikumbanyisa kulu.

Ha mashimbu a usopeso, Nataliya yalweza nganji mu zuwo lia usopeselo ngwenyi: “Nguli ni mandumbu anji ashishika waze ananungu ni kungusolwela zango. Yesu kambile ngwenyi: ‘Nyi munulizanga umwe ni mukwo, atu eswe makanyingika ngwo yenu nuli tumbaji twami.’ (Yoano 13:35) Zango lie liakungukwasa kulinga yuma yize nakulinga.”

Tunawahilila chinji hali ndumbwetu Nataliya yoze haliapwila uli cheka ni asoko jenyi. Tuli ni shindakenyo ngwetu, Yehova manunga ni kumusolwela “utu wa zango” hamwe ni tuvumbi twenyi eswe ashishika.—Samu 59:16, 17.