Ha 29 Outubro, 2023, Mbimbiliya—Katuhwishile Mukanda wa Mateu mu Limi lia Chopi ha chimwe kukunguluka chalipwila mu Quissico, Moçambique. Ndumbu Marcelo Santos, wa mu Komite ya Mutango mu Moçambique, yafambwisa mukanda wa Mateu mu limi lia Chopi ha chimwe kukunguluka haze hapwile atu 460. Eswe waze apwileho katambwile mukanda wacho ha mafwo. Kausele nawa mu site ni mu maliji a kukopa hanga atu ahase ku uchiza.

Chinasoloka ngwe atu tununu 1.1 a tununu kakuhanjika limi lia Chopi. Atu jacho mu Moçambique, kanaswila chinji mu mambonge a ku sule. Kuli mandumbu kuhiana 332 waze ali mu yikungulwila shimbiali ya limi lia Chopi ni yizavu yitano. Chipwe ngwe kuli Mbimbiliya jikwo mu limi lia Chopi, nihindu mu Mbimbiliya jacho kumushi jina lia Yehova. Kuchizako yino, jakufwika ndando yinji, nawa kanji-kanji maliji waze akuzachisamo kali akalu kwatanga.

Tunawahilila hamwe ni mandumbu jetu akuhanjika limi lia Chopi ha kutambula mukanda uno afwambwisa, tunalembe hanga ukwase atu anji waze anafupu meya akekema a umwenemwene wa mu Liji lia Zambi.—Izaia 55:1.