Skip to content

Skip to secondary menu

Skip to table of contents

Anamoona a Yehova

Etxuwabo

Mwang'aneli (Wosunzana)  |  Janero ya 2017

Wanziwa?

Wanziwa?

Attu a nsaka na Bibilia attiddiha dhavi motto agakosaga oleddo?

VA WITA kapitulu 22, Bibilia onloga wila Mulugu wahimwaddela Abramu wila akose oleddo adhowaga elabo yolapelana na owani waye wi akose mukutto. Vanloga: “Abrahamu othukula kuni dhoddumeyana mukutho, ompwatheliha mwanaye Izaki. Iyene othukula mmadani mbeni na motho, adhowa vamodha.”—Wita 22:6.

Bibilia kanloga mukalelo wattiddihiwa motto masaka a wale. N’eji niloge wila Abrahamu na Izaki aromile ogaasa motto vani vawa nomala ottukula nikuni naana mottoya? Namaloga mmodha wa Bibilia belaga enkala ninga yanrutxa “kuni modha okoyaga motto mudhidhi mwinjene wa oleddo.” Ottiya eji, Abrahamu na mwanaye ahikosa marhe meena agawodhihile ogaasana motto.

Enaya anloga wila yali elobo yorutxa vaddiddi ogaasa motto masakaya abale. Noona wila muttu agaase motto, wanfanyeela okumbirha nikarha nittiddile motto va mwanddamani waye. Aziwetxi enjene anrumeela wila Abramu wahittukula nikarha obe kuni yana motto ahinatti okosa oleddo waye. Txino iyene wekile mwikuruni bamaga na mujila mung’onovi wila attiddele mudhidhi w’oleddo waye. (Izaiya 30:14) Nanda agafunaga ottiddiha mottoya wekamo paddaso dhing’onovi dha kuni.