Skip to content

Skip to secondary menu

Skip to table of contents

Anamoona a Yehova

Etxuwabo

Wasunzihe Anawo

 NSUNZO 8

Josiya Wahikaana Amaro Aderetu

Josiya Wahikaana Amaro Aderetu

Weyo onubuwela wi jorutxa okosa eli yoligana?— Attu enji anubuwela wi jorutxa. Bibilia ononaddela wi yali yorutxa makamaka wa muzombwe watxemerhiwa Joziya okosa yoligana. Mbwenye iyene wahikaana amarho aderetu amukamihedhile. Ndowe nisunze modheela Joziya vamodha na amarho aye.

Sofoniya wahawaddela attu wi anawebedhe amilugu oosemiwa

Babe Joziya wali Amon, mwene wa Juda. Amon wali muwali vaddiddi vina wanawebedha amilugu oosemiwa. Mudhidhi okwile babi wa Joziya, Joziya wahidha okala mwene wa Juda. Mbwenye iyene waana vyaka tanu na ttaru bahi! Weyo onubuwela wi iyene wali muwali dhahene ninga babi waye?— Nne, iyene kaali!

Masiki valiye mwana mung’ono, Joziya wafuna omwiwelela Yehova. Venevo iyene wahisakula okala marho wa attu amukwela Yehova. Vina awene ahimukamihedha Joziya okosa esile dhali dholigana. Amarho a Joziya aali ani?

Marho waye mmodha wali Sofoniya. Sofoniya wali namavuhulela wakamihedhile attu a nlogo na Juda wi dhilobo dhabure dhigahapadduwela kowiliwa  aawebedha amilugu oosemiwa. Joziya wahinvuruwana Sofoniya vina wahimulabela Yehova, ottiya amilugu oosemiwa.

Josiya na Jeremiya ahikamihedhana muttu na mukwaye okosa dholigana

Marho mwina wa Joziya wali Jeremiya. Awene aana vyaka dholigana vina akala mirudda dholapelana vag’onovi mudhidhi wa wunuwa wawa. Awene aali amarho aderetu noona mudhidhi okwile Joziya, Jeremiya wahileba jibo yamakamaka ya okubanya waye sabwa ya okwa wa Joziya. Jeremiya na Joziya ahikamihedhana muttu na mukwaye akosaga yali yoligana vina amwebedhaga Yehova.

Weyo onsunzavo eni modheela yotagiha ya Joziya?— Masiki Joziya valiye muzombwe, iyene wahifuna okosa dholigana. Iyene wahiziwa wi anfanyeela okala marho wa attu animukwela Yehova. Kadidela waveda amarho animukwela Yehova vina anawodhe wukamihedha wiokose eli yoligana!