Skip to content

Skip to secondary menu

Skip to table of contents

Anamoona a Yehova

Etxuwabo

Enowodheya Okaana Wagalala Vamuralani Vawo

 EPADDI 8

Vagapadduwa Ngovi

Vagapadduwa Ngovi

‘Nona dhalaní wagalala, masiki efuneye wi moone, nsaka nig’onovi na ottikiwana.’1 Pedro 1:6

Masiki okosaga guru wi murala wawo wagalale, dhilobo dhohijedheleya podi opadduwa wi dhobanihe wagalala wenyu. (Kohelét 9:11) Mulugu na okwela ononivaha nikamihedho nigakala mmakattamihoni. Akala weyo onofara magano a Mmaleboni anfarela, weyo na amudhi awo munele owodha okwaranya makattamiho masiki ekalagavi yorutxa.

 1 KAMUKULUVELE YEHOVA

TXINI ENLOGA BIBILIA: ‘Ttiyaní mmadani mwaye dhetene dhinukathamihani, vowi ddi iyene onukoyani.’ (1 Pedro 5:7) Mudhidhi wotene wubuwele wi Mulugu kana muladdu modheela makattamiho ehu. (Tiago 1:13) Weyo oganfiyedha iyene, onele wukamihedha okaana mikalelo dhaderetu. (Izaiya 41:10) ‘Mumperekele mirima dhenyu vali iyene’Masal 62:8.

Weyo onele ofanya ottukuttedheya ogamwengesaga vina ogamusunzaga Bibilia wawo malabo otene. Ninga yopurelamoya, weyo onele wona mukalelo ontonyihedha Yehova ‘nipangarhazo naye mwa iyo mudhidhi wotene wa makattamiho ehu.’ (2 Akadda Korinto 1:3, 4; Akadda Roma 15:4) Iyene onolibela wuvahani ‘murenddele wa Mulugu onkwaranya enonelo yotene.’Akadda Filipi 4:6, 7, 13.

TXINI ENFANYEELA WEYO OKOSA:

  • Kamulobelele Yehova wi awukamihedhe okala wofaseya vina wubuwela mowooneya

  • Wiyelele mitoma dhotedhene nanda osakule dila yowufanyeelela

2 OVITANAALE WAMUNYENE VINA ANAMUDHI AWO

TXINI ENLOGA BIBILIA: “Oona zelu, onotamela onona, wamalago onovedavi osunza.” (Gano dh’olelana 18:15) Kakaana ezinddiyelo ya mapadduwo otene. Kaziwa dhilobo dhoteene dhinfuneya vamuralani vawo. Kaloga makani na awene. Wavuruwane.Gano dh’olelana 20:5.

Kito agakwa muttu wokweleya? Kuwove otonyihedha mukalelo oniwamo weyo. Kobuwela wi Yezu vina ‘wahitomola kutto.’ (Joau 11:35; Kohelét 3:4) Ovuma mofanyeelela vina ogana deretu elobo jamakamaka. (Kohelét 4:6) Ejo enele wukamihedha okalawo na mukalelo wofanyeela orabelaga odhugudheya muyubuweloni.

TXINI ENFANYEELA WEYO OKOSA:

  • Ogakwaranya makattamiho awo, onofanyeela okaana elemeelelo ya ologa na anamudhi awo. Ogakaana makattamiho, awene anele oziveliwa ologa na weyo

  • Ologe na attu eena akaanile makattamiho akakene

 3 KAVEDA NIKAMIHEDHO MWA ESILE DHINVEDA WEYO

TXINI ENLOGA BIBILIA: “Mukwawo-mukwawo, ddule oniwanana na weyo midhidhi dhetedhene; nsaka n’osegedheya akalá mmudhawo.” (Gano dh’olelana 17:17) Amarho awo anfuna awukamihedhe mbwenye awene podi ohikaana yokosa. Kuwove wawaddela awene enfuna weyo mwebaribari. (Gano dh’olelana 12:25) Vina, kaveda nikamihedho na omuyani mwa abale animunonelamo Bibilia. Nlago nawa modheela Bibilia ninele owodha wukamihedha.Tiago 5:14.

Weyo onele ofanya nikamihedho ninveda weyo ogakala mudhidhi wotene na abale animuroromela Mulugu vina ankuluvela dhogana dhaye. Onele ofanya vina nipangarhazo ninddimuwa ogakamihedhaga abale anveda olibihiwa. Ologe na awene nroromelo nawo wa Yehova na dholibela naye. Ovilibihedhe wakamihedhaga abale anfuna, kukale weka wattawaga abale anukwela vina anutanaala.Gano dh’olelana 18:1; 1 Akadda Korinto 15:58.

TXINI ENFANYEELA WEYO OKOSA:

  • Kaloga na marho wofiyedheya vina omuttiye iyene awukamihedhe

  • Kakala muttu wokuluveleya vina webaribari ogalogaga dhinfuna weyo