Skip to content

Skip to secondary menu

Skip to table of contents

Anamoona a Yehova

Etxuwabo

‘Kalanivi mu Okwelani mwa Mulugu’

 YOWENJEDHA

Kapemberha Otxatxela

Kapemberha Otxatxela

Otxatxela eji laddela enimusilidha Mulugu, enomukosiha muthu wubuwelaga ovihagalaliha yeka vina onoviriganiha mubuwelo. * Muthu ontxatxela podi ofiyedha wawoonaga athu ena ninga dhilobo dha ogonihana bahi vina okala dhitagano dha opana ekarho ya ogonihana. Muliba otxatxela onoroma woona ogonihana, othiya okala mulagiho wa okwelana wa athu eeli, mbwenye ninga mwirelo wa maningo. Mbwenye opa ekarho kwa mudhidhi muñgonovi. Txibarene, othiya opa vyano dha maningo ninga “ojeberuwa, oraruwa, vidhivi-dhivi, monlelo abure, ojiwa murima na muhaku, oli ekalelo yowebedha dhopaddutxiwa,” otxatxela onovenyiha vyano esi.—Kolosi 3:5.

Murumiwi Paulo ohileba: “Ndoweni nivikupe dhokwaruliha dhetene dha maningo na dha murima. Nakwanihe omukoddelela wehu Mulugu, nimurihaga iyene.” (2 Korinto 7:1) Akala onokukuthuwadha wila wiwelele mazu aba, kurimeeliwe njeedhelo. Wili-wili Yehova ‘ddwa murima’ vina onokamiha. (Masalmo 86:5; Luka 11:9-13) Txibarene, murima wovikona wamwinya vina guru yawo ya onyanyala emanya eji—masiki na wiyelela dila dhiina—onlagiha mukalelo waderetu. Kobuwelaga vina yawila, “Mulugu onopitha murimehu; iyene onoziwa dhetene.” (1 Joau 3:20) Mulugu kanoona bahi dabi dhehu; iyene onimoona muthuya wotene. Vowila iyene onoziwa dhilobo dhehu dhotene podi ovuruwana na nthebwa  okumbirha wehu mahala na murima wotene. Noona txipo kunyanyale onfiyedha Mulugu na mukalelo woviyeviha vina na nlobelo na murima wotene, ninga mwana ondowa wa babi waye agakaana makathamiho. Yehova onela wureeliha na mubuwelo wokoddela. (Masalmo 51:1-12, 17; Izaiya 1:18) Txibarene, onofanyeela okosavo elobo mowiwanana na malobelo awo. Motagiha, ogahifanyeela okosela guru orabela mukalelo wotene wa foto dha athu bali yovi ninga vina mandano abure. *

Akala nikathamiho nawo na otxatxela ninodhowavi, kaloga nikathamihona na mambali wa Mukristu obe na mukwawo wowarala omuyani oddwene ontanaala. *Gano dh’olelana 1:8, 9; 1 Tesalónika 5:14; Tito 2:3-5.

^ par. 1 Otxatxela ku othikitha vyano dhogonihana, okwene onfiya va mutompini wa ogonihana.

^ par. 2 Wila athukule tharho dhohipothowa wañganela omulabihedha komputadori wa vatakulu, mirala dhinjidhene dhinimwika komputadoriya vego vanooniwiye na athu otene. Vina, athu ena anogula programa dha komputadori esene dhintxithika dhilobo dhohifuneya. Masiki na ejene, kuli programa dha komputadori dhinkuluveleya kakamwe.

^ par. 1 Wila okaane mirugu dhothiddihedheya mabasa dha mukalelo wa onyanyala otxatxela, koona musorho onloga “Os Jovens Perguntam . . . Como posso vencer esse mau hábito?” mu numero na Despertai! na Novembro 2006, vina makuku 178-182 a nivuru Os Jovens Perguntam — Respostas Práticas, Volume 1.