Skip to content

Skip to secondary menu

Skip to table of contents

Anamoona a Yehova

Etxuwabo

Miselu Dhapama Dha Mulugu!

 NSUNZO 13

Miselu Dhapama Mwaha wa Mutugumano Txini?

Miselu Dhapama Mwaha wa Mutugumano Txini?

1. Marelejiau otene baderetu?

Marelejiau otene munofanyeya attu a mirima dhaderetu. Oziwa yawila Mulugu onowawoona attu abo vina onowatanaala, esi miselu dhapama. Mbwenye mokubanyiha, marelejiau anolabihedhiwaga okosiwana dhilobo dhabure. (2 Korinto 4:3, 4; 11:13-15) Mowiwanana na miselu dhinlaleyiwaga, marelejiau mena anokosaga dhilobo dhotabala, opiwa na pudha mittitti dha attu, oraba koddo vina wavoreya aima ang’ono. Dhilobo esi dhinowapa murima abale animuroromela Mulugu mwatxibarene!—Kengesa Mateu 24:3-5, 11, 12.

Oku relejiau yebaribari emuttittimihaga Mulugu, marelejiau ahili ebaribari anomunyimula Mulugu. Anosunziha dhubuwelo dhihili Mbibiliani vamodha na masunziho a ottambi mwaha wa Mulugu vina amarafula. Mbwenye Yehova onfuna wila attu aziwe ebaribari mwaha wa iyene.—Kengesa Ezekiyel 18:4; 1 Timóteo 2:3-5.

2. Miselu dhapama mwaha wa mutugumano txini?

Mulugu kannyegettiwa na marelejiau anrumeela wi anomukwela oku bagakwela elabo ejino ya Satana. (Tiago 4:4) Nzu na Mulugu ninologa wila marelejiau otene ottambi ‘Babilonia Munddimuwa.’ Obu wali muttette wawale witile marelejiau a ottambi muvireli Mpulo wa Nsaka na Nowé. Mohigoneela, Mulugu onele ogomiha na rurumutxa marelejiau ampupurutxa vina antabutxa nlogo na attu.—Kengesa Ovuhulela 17:1, 2, 5, 16, 17; 18:8.

Ohikala miselu dhiina dhapama. Yehova kaadduwalile attu abale a murima waderetu anfwara marejiau a ottambi  a mwilaboni. Yehova onowasunziha attu wi avenyemu mu relejiauni dha ottambi.—Kengesa Mikeya 4:2, 5.

3. Attu a murima waderetu anfanyeela okosa eni?

Mutugumano watxibarene onowawiwananiha attu ovanene

Yehova onowatanaala attu ankwela ejile eli yatxibarene vina yaderetu. Onowakokomeza wila anyanyale marelejiau ahili atxibarene. Attu animukwela Mulugu anokosa masadduwo wila amuhagalalihege.—Kengesa Ovuhulela 18:4.

Mu vyaka zana dhoroma, attu a murima waderetu mwewelani miselu dhapama na arumiwi, awene ahakulela na ottaba. Ahisunza mukalelo muswa wa okalawo bagamulaba Yehova, mukalelo wosanzayetxa wa okalawo, na efunelo vina njeedhelo. Awene yotagiha yaderetu wa iyo nsaka na ovanene sabwani aahirumeela miselu dhapama modheela omwika Yehova vasogorho va egumi yawa.—Kengesa 1 Tesalónika 1:8, 9; 2:13.

Yehova onowamoyela vamuralani va anamebedha aye attu abale annyanyala mitugumano dhihili dhatxibarene. Ogarumeela niwobelo na Yehova nttene ninkosiye na mada meeli, onele wakela omarho waye, murala muswa wa anamebedha a Yehova abene anukwela. Onele wakela vina egumi ya mukalakala.—Kengesa Marko 10:29, 30; 2 Korinto 6:17, 18.

4. Mulugu onfuna dhavi ottabiha dhilabo dhotene?

Ottongiwa oko onda wa marelegiau onyengetta miselu dhapama. Onele ovuna elabo yotene mu goini. Mitugumano dhihili dhatxibarene txipo kadhinda vina opupurutxa na ogawa nlogo na attu. Attu otene anfuna okalawo nsaka ntto anele wiwanana mwa omwebedha Mulugu mmodha bahi watxibarene.—Kengesa Ovuhulela 18:20, 21; 21:3, 4.