Skip to content

Skip to secondary menu

Skip to table of contents

Anamoona a Yehova

Etxuwabo

Masunzo a mapadduwo a Mbibiliani

 NSUNZO 50

Mulugu Onomvuna Josafat

Mulugu Onomvuna Josafat

Mwene w’o Judá Josafat, obwanyula vibuwa dha Baal na dhigamuttu dhebedhiwa mwilaboni. Mwene oddu wafunetxa wi attu aziwe malamulo a Mulugu. Noona oharuma anddimuwa a malogo na Aleviti wi adhowe dhipaddi dhotene dha Judá asunzihe attu.

Malogo a amalabo annova wabeddegela akadda Judá, na ttangwi yoziwa wi Mulugu wali na awene. Malogoya andhana sagwati anvahaga Mwene Josafat. Musogorhomwa malogo a akadda Mowab, Amonita na malogo adhela o Seir ahidha wi awane na Judá. Josafat wanziwa wi iyene agahifuna nikamihedho na Yehova. Iyene ohatugumaniha alobwana, ayana, na aima o Jeruzalemi. Olobela vamentoni vawa eraga: ‘Yehova naddeleni yokosa. Vowi muganittiya, kaninapemperhe.’

Yehova ohakula malobeloya dhahi: ‘Kamove. Miyo ddinoukamihedhani. Muvyetteke, munere wona mvunelo onauvunenina Nabuya.’ Yehova wavunile dhavi?

Mumangwananimwá na membesi Josafat ohasakula anameeba wi adhowe vasogorho va anyakoddo. Ahedda ovenya o Jeruzalemi adhowaga o muruddani waveda orabiwa koddoya, o Tekwa.

Muromele anameba wiba jibo nosanzaya, Yehova owana avunedhaga nlogo naye. Iyene ohagulugudha Amonita na akadda Mowabi, aroma owana anya-anya, neji akwa otene. Akadda Judá otene, kavo opeyile Yehova ohabarela ninga mwalogeliye. Mwiwele malogo otene yakoseli Yehova akadda Judá, adha oziwa wila txibarene Mulugu wawa ohavuna. Yehova ovunile dhavi nlogo naye? Mwa dila dhottiyana-ttiyana. Iyene kangayela futti wi avunena nlogo naye.

“Kaiye nyuwo onarabe koddo na awene; mwimele venevo ovyethekene, munere wona mvunelo onauvunenina Nabuya.”—2 Mapadduwo 20:17