Skip to content

Skip to secondary menu

Skip to table of contents

Anamoona a Yehova

Etxuwabo

Masunzo a mapadduwo a Mbibiliani

 NSUNZO 8

Abramu na Sara Amwiwelela Mulugu

Abramu na Sara Amwiwelela Mulugu

Vakuvi na muttette w’o Babel, wahikala sidadi yakuweliwa Ur, wenewo attu enji anawebedha amilugu eena ottiya Yehova. Masiki dhawene, wahikala mulobwana wamwebedha Yehova bahi. Nzina naye wali Abramu.

Yehova omwaddela Abramu dhahi: ‘Kattiya numba yawo na amudhawo, odhowe elabo enfuna outonyedha miyo.’ Mulugu ohilibela: ‘Weyo onele okana murala munddimuwa, nanda ddinele odhana dhilobo dhapama wa malogo, sabwa yawo.’

Abramu kaziwa wafuna omuruma Yehova, masiki dhawene, wahimukuluvela Yehova. N’eji Abramu, mwadhiye Sara, babe Tera, na mudhulaye Loti ahimaga dhobo dhawa, ahiroma oleddo onddimuwa.

 Abramu wana vyaka 75 vafiyileye na amudhaye elabo yanfunana Yehova. Elaboya yakuweliwa Kana. Wenewo Mulugu ohiloga na Abramu akosaga malibelo aye: ‘Elabo eji yotene enoniwe, ddinowavaha anawo.’ Mudhidhene obo Abramu na mwadhiye Sara ahuluvala nanda kaana nne mwana mmodha. Koddi Yehova agakwanihedhi dhavi malibelo aye?

“Na ororomela, Abramu vethaniweye na Mulugu, orumela; ovenya, othukula dila ahiziwaga onfiyani, odhowa elabo yàfuna Mulugu omvaha.”—Ahebreu 11:8