Skip to content

Skip to secondary menu

Skip to table of contents

Anamoona a Yehova

Etxuwabo

Masunzo a mapadduwo a Mbibiliani

 NSUNZO 87

Siyarhi Yomariha ya Yezu

Siyarhi Yomariha ya Yezu

Agakwana Malabo 14 a mweri wa Nisan, Ayuda anja mattanga a Paskwa. Siku ntti nawubutxela siku nafurulile Yehova wʼEjipitu, badhana mwilaboni yalibeleliye wi onowavaha. Mfiyelani yaka 33 E.C., Yezu na anamafwaraye ahidhowa o Jeruzalemi afiya numba yana kambirhinyaya odhulu, wenewo amujawo Paskwa. Mmalelani omuja, Yezu ohiloga: ‘Mmodha wa nyuwo onele oddiguliha.’ Eji yahazuzumiha anamafwara, ofiyedha omvuza: ‘Oddoya bani Nabuya?’ Yezu owakula: ‘Ddi muttu onanvahemi pau eji.’ Mmaleliye ohinvaha Juda Iskariote gabaddi ya pau. Juda ovenya obudduwa.

Yezu mmaleliye ohikosa nlobelo, omenya pau, ohavaha anamafwara ahalile na iyene. Iyene ohiloga: ‘Janí pau eji. Ejiya entapulela nningo naga, ninfunemi ouperhekelani.’ Mmaleliye ohilobelela vinyu, nomala ohavaha anamafwara. Ohiloga: ‘Mwani vinyu eji. Ejiya entapulela nikami naga ninfunemi operheka wi muleveleliwena dhottega. Ddinolibela wi munele okala amwene na miyo wirimu. Eranina vyaka dhotene muddubuwelaga miyo.’ Anamafwara a Yezu anokosavi mattanga aba a vayakani. Mattangaya aba ovanene ankuweliwa: Siyarhi ya Nabuya.

 Anamafwara, mmalelani oja, ahiroma owanela okala munddimuwa. Yezu ohawaddela: ‘Onfuna okala munddimuwa wenyu, akale ninga mwana.’

Vina ohidhowanavi: ‘Nyuwo muli akwaga. Miyo ddihuwaddelani dhetene dhiddaddeli Babaga. Ovanene ddinowiyelela wirimu oli Baba. Nyuwo munohala, vina attu anele oziwa wi muli namafwara aga mugakwelana muttu na mukwaye. Mukwelane muttu na mukwaye ninga eukwelini miyo.’

Mmalelani Yezu ohimuloba Yehova wi abarele anamafwara aye. Omuloba vina Yehova wi akamihedhe olaba mumodhani na murenddele. Ohilobela wi nzina na Yehova nikoddelihiwe. N’eji Yezu na anamafwara amwibela Yehova na nttittimiho, ahibudduwa. Apa wahaddamela mudhidhi wi Yezu atabutxiwe.

“Nyuwo nikuru naga kamove, vowi babinyu oziveliwana ouvahani Omwene waye.”—Luka 12:32