Skip to content

Skip to secondary menu

Skip to table of contents

Anamoona a Yehova

Etxuwabo

Masunzo a mapadduwo a Mbibiliani

 NSUNZO 74

Yezu Ohikala Mesiya

Yezu Ohikala Mesiya

Joau wanlaleya dhahi: ‘Mundduni mwaga munodha muttu munddimuwa opitta miyo.’ Yezu vaniye vyaka 30, ovenya o Galileya odhowa o Mwinje Jordau, wali Joau bagabatiza attu. Yezu afunaga wi Joau ambatize, Joauyá omwakula: ‘Kili yaderetu miyo oubatizani nyuwo. Mbwenye nyuwo muddibatize.’ Yezu omwakula Joau dhahi: ‘Yehova onfuna wi weyo oddibatize.’ N’eji awene avenya adhowa o Mwinje Jordau, nanda Joau ombatiza Yezu mmanjenimwa.

Mwasuweli Yezu mmanjeni, olobela. Venevo erimu efuguwa, muya wa Mulugu omutitela woneyaga n’ekalelo ya kangayiwa. Nomala Yehova ologa ovenyedha wirimu: ‘Weyo oli mwanaga wa vamurimani vaga, onddittabiha ddi weyo.’

Muya wa Mulugu vamutitelani Yezu, odha okala Kristu, obe Mesiya. Ovenyana venevo, iyene oroma mabasa a olaleya amurumile Yehova.

Yezu mmaleliye obatiziwa momaguva-mwene odhowa mwiddeddereni, omalamo malabo 40. Mwiyeleliye odhowa omoona Joau. Joauyá mmoneliye Yezu, ologa: ‘Mone Nibila na Mulugu ninfudha yottega velabono ya vati.’ Mulogeliye ejene Joau oziwiha wila Yezu wali Mesiya-wene. Onoziwa yampadduweli Yezu valiye mwiddeddereni? Ndowe noone.

“Venevo nihiweya nzu nadha wirimu naloga: ‘Weyo oli mwanaga omimukweletximi.’”—Marko 1:11