Skip to content

Skip to secondary menu

Skip to table of contents

Anamoona a Yehova

Etxuwabo

Masunzo a mapadduwo a Mbibiliani

 NSUNZO 62

Omwene Oli Ninga Muri Munddimuwa

Omwene Oli Ninga Muri Munddimuwa

Omattiyu dhahi, mwene Nabukodonosor wahiroha. Ohakuwela aziwitxi otene wi amwaddele yatapulela dhorohadha. Kavo owodhile otapulela. Omamalelowa odhowa ologa na Daniyel.

Nabukodonosor omwaddela Daniyel eraga: ‘Murohanimwaga, ddihona muri. Ohunuwa mpaka ofwanya nttabo. Wela woneya uddayi wene. Wahikana mataba okoddela, vina dhawima gwé. Mutxiddomwa mwanvuma dhinama, nanda mmirayinimwa balame dhammagamo vinddara. Nomala ddimona anju wadhela wirimo. Iyene okuwa: “Gwihaní muri obu, gwaddaní virasidhá, varetxaní matabayá, milimadhá rayilelaní uddayiwene. Vinama dhili mutxiddomwa dhithawemo, balame dhimwale mmirayinimwá. Vano nthuku na mitxitxidha, muthiye venevo mmagena pingwi dha mujila na dha safurhi. Murimaye osadduwe ohikale wa muthu, okale wa enama. Onere ogonela mpaka vyaka tanu na bili. Aziwihena wi Mulugu ddi Namadhulu-dhulu, mwinya w’omwene wa malogo etene.”’

Yehova omvitulela Daniyel yatapulela dhorohadha. Daniyel wahigurumela vanonelemo iyene yasiba dhoroha esi. Ompanga mwene dhahi: “Mwene, kowodheya egahikala erohilenyu na dhinsibani dhagwele amwiddaninyu.” ‘Muri munddimuwa ogwihiwé ddi nyuwo. Munele wakiwa omwene wenyu, nanda munele oja maani a muddebe ninga enira vinama. Sabwa yowila anju ohiloga wi nigoddona nimagiwe, entapulela wi munele wiyelela omweneya.’

Mvireli yaka, Nabukodonosor ovenya badhowa wedda mukodde mwa numbaye. Venevo osiba eraga: “Mone muthethe w’o Babilónia, omagilemi na guru dhaga, ontonya owodha n’ovuwa waga!” Ahinatti omala ologa, odhulu ohiweya nzu naloga dhahi: “Nabukodonosor! Ovanen’apa munowakiwa omwene wenyu.”

Momaguva-mwene, yubuwelo ya Nabukodonosor esadduwa jikala ninga ya enama ya muddebe. Ottamaga odhowa okala na vinama. Nttitti naye nihunuwa ninga mittenga dha ttangwe, vina vyala dhaye dhilapa ninga dha balame.

 Mvireli vyaka tanu na bili, Nabukodonosor ovulumuwa, vina Yehova omuttiya wi attonge wili mBabilónia. Novenya Nabukodonosor ohiloga dhahi: ‘Ddinomuttittimiha Yehova, Mwene wa wirimu. Ovano ddiziwa wi Yehova ddi Mweneya. Onowatitiha anivittukulela, vina onowavaha omwene attu anafuniyena.’

“Mundduni mwa opanela mundha otolowa, mundduni mwa ovithukulela mundha okoneya.”—Gano 16:18