Skip to content

Skip to secondary menu

Skip to table of contents

Anamoona a Yehova

Etxuwabo

Masunzo a mapadduwo a Mbibiliani

 NSUNZO 64

Daniyel Muttoloni mwa Apoddogoma

Daniyel Muttoloni mwa Apoddogoma

Mwene mwina w’o Babilónia wali Dario mukadda Média. Dario ohona wila Daniyel wali muttu wofuneya. Noona omwira munddimuwa wa anddimuwa otene a mwilaboni. Attuya aba annimwidda Daniyel, nanda awene afuna wila Daniyeliyá akwe. Vowila anziwa wi Daniyel wannimunlela Yehova na nlobelo dila ttaru kadda labo, awene aloga dhahi na Dario: ‘Apa nyuwo mwene rumelaní, lebihaní nlamulo wi muttu-muttu aulobelelegeni nyuwo bahi. Akalawo muttu onvanya nlamulo ntti avokeliwe muttoloni na apoddogoma.’ Dario oziveliwana yubuwelo ejo, vina oleba nlamulona.

Daniyel mwiwaliye nlamulo ntto, ovenya odhowa owani-waye. Iyene okokora ang’anaga vajanelani, omuloba-loba Yehova. Abale amwidda amoona, avolowa, amuttidda alobelaga. Attamaga, ahimpaga Dario dhahi: ‘Daniyel kanfuna wiwa nlamulo nenyu, onokokora amulobaga Mulugu waye.’ Vowila Dario wannimukwela vaddiddi Daniyel, wahikosa dhetene wi iyeneya ahipiwe. Siku notene wobuwela marhe onvunana Daniyel. Mbwenye nlamulo napidile mwene, kiyawodheya wi Daniyel afuruliwe. Iyene oharuma emeleli aye, amvokela Daniyel muttoloni mwali apoddogoma.

 Mattiyu abale otene, Dario kattiddile nikove, vowi wamukubanyedha Daniyel. Obeha menbesene, ottamagela muttoloni mwali Daniyel, okuwa dhahi: ‘Daniyel, Mulugu wawo ohuvuna?’

Dario ohiwa wakuliwa. Wakulayá wali Daniyel. Omwakula Dario eraga: ‘Yehova owaruma anju aye, afuga milomo dha apoddogoma. Kaddikosile yabure.’ Dario oziveliwa vaddiddi! Iyene ologa wila Daniyel abulutxiwe muttolonimwá. Daniyel nne kaana mukwereto. Nomala mwene oruma dhahi: ‘Mwattidde alobwana abale anvahile muladdu Daniyel, mwarayilele muttoloni.’ Muttiddeliwani avokeliwamo, apoddogoma ahaja.

Dario olebiha nlamulo naloga dhahi: ‘Attu otene amovege Mulugu wa Daniyel. Iyene ddinvunile Daniyel mwano mwa apoddogoma.’

Weyo onolobela wa Mulugu malabo otene ninga yakosa Daniyel?

“[Yehova] onowodha wavuna mmakathamihoni abale animukwela.”—2 Pedro 2:9