Skip to content

Skip to secondary menu

Anamoona a Yehova

Etxuwabo

Bani txibarene onlamulela elabo?

Bani txibarene onlamulela elabo?

Weyo onubuwela wi ddi . . .

  • Mulugu?

  • attu?

  • muttu mwina?

 TXINI ENLOGA BIBILIA

‘Elabo yotene eli mmadani mwa Satana.’1 Joau 5:19.

‘Mwana Mulugu odhelé . . . otolotxa mabasa a satana.’1 Joau 3:8, BíbiliaMalebo Okoddela.

EJO ENTAPULELA ENI WA WEYO

Otapulela wofanyeelela wa makattamiho a mwilaboni.Ovuhulela 12:12.

Ninorumeelela wi elabo yehu enela osadduwa bikala deretu.1 Joau 2:17.

 NINOFANYEELA TXIBARENE ORUMEELA ENLOGA BIBILIA?

Indde, na sabwa ttaru:

  • Olamula wa Satana ohobana. Yehova ogana ogomiha olamulela wa Ddiyabo. Iyene ohigana ‘omutolotxa Satana,’ vina osaddula dhonyongeya dhitotile Satana.Ahebreu 2:14.

  • Mulugu omusakula Yezu Kristu ninga mulamuleli wa elabo. Yezu ottiyana na mulamuleli oddo wovanene wa elabo, wowali vina wowanyedha. Mowiwana na olamulela wa Yezu, Mulugu ologa: ‘Onele omukaanela ttotto muttu wopwaziwa vina wamuyelegi . . . Iyene onele ovuna nlogo naye muwalini na mupujiwani.’Masalmo 72:13, 14.

  • Mulugu kanzivala. Bibilia onologa: ‘Kinwodheya wi Mulugu aloge ottambi.’ (Ahebreu 6:18) Yehova agaloga wi onokosa elobo, enkala ninga omalile okosa! (Izaiya 55:10, 11) ‘Mulamuleli wa elabo eji onele ovokeliwa otakulu.’Joau 12:31.

 WI NITANAALE SABWAYA

Mulamuleli wa elabo eji agaburutxiwavo elaboya eji enakale dhavi?

Bibilia onowakula nivuzo ntti va MASALMO 37:10, 11 vina va OVUHULELA 21:3, 4.