Skip to content

Skip to secondary menu

Anamoona a Yehova

Etxuwabo

Ononamo Dhavi dha Musogorho?

Ononamo Dhavi dha Musogorho?

Koddi elabo yehu . . .

  • enodhowavi yoligana?

  • enele ottabwa?

  • enele okurumuwa?

 TXINI ENLOGA BIBILIA

‘Mulugu . . . onele okuputta muntori bu muntori wa mmentoni mwawa. Kunakale vina okwa, kutto, obulela, masegedho vowi dhamwilaboni yawale dhivira.’Ovuhulela 21:3, 4, Bíbilia—Malebo Okoddela.

EJO ENTAPULELA ENI WA WEYO

Mabasa oohilemiha vina oopureyamo.Izaiya 65:21-23.

Ohikalawo maredda nne matabuwo makattamiho a mikalelo  dhiina.Izaiya 25:8; 33:24.

Anamudhi vamodha na amarho anelege okalawo na osanzaya wa mukalakala.Masalmo 37:11, 29.

 NINOFANYEELA TXIBARENE ORUMEELA ENLOGA BIBILIA?

Indde, na sabwa biili:

  • Mulugu onowakwaniha dhogana dhaye. Mbibliani, Yehova bahi ddinkuweliwa ‘Mulugu Wowodha-wodha’, sabwa yawi ewodhelo yaye kina omagomelo. (Ovuhulela 15:3) Noona Iyene onowodha wakwaniha yogana yaye ya osaddulela elabo eji mwa mikalelo dhaderetu. Ninga munlogela Bibilia, “Mulugu bahi ddihinrutxiwa elo.”Mateu 19:26.

  • Mulugu onofuna wakwaniha yogana yaye. Motagiha, Yehova okaana efunelo ya wawiyihedha egumi abale akwile.Job 14:14, 15.

    Bibilia onolagiha vina wi Yezu, mwana wa Mulugu, ohavulumutxa aredda. Yamukosihile txini? Sabwa yawi iyene wanfuna okosa. (Marko 1:40, 41) Yezu moligana wansaza mikalelo dha Babe mwa efunelo yaye ya wakamihedha attu ofanyeela.Joau 14:9.

    Kayo yowaganyedha wi Yehova na mwanaye Yezu anofuna onikamiha wi nikaane njeedhelo nohagalala musogorho!Masalmo 72:12-14; 145:16; 2 Pedro 3:9.

 WI NITANAALE SABWAYA

Mulugu onasaddule dhavi elobo eji yehu bikala yaderetu?

Bibilia onowakula nivuzo ntti va MATEU 6:9, 10 vina DANIYEL 2:44.