Skip to content

Skip to secondary menu

Skip to table of contents

Anamoona a Yehova

Etxuwabo

Mabasa na Yeddelo Yehu ya Okristu–Nivuru na Mabasa a Matugumano

  |  Marsu ya 2017

 YEDDELO YA AKRISTU

Ninalaleyena Dhavi Brochura—Kanvuruwane Mulugu

Ninalaleyena Dhavi Brochura—Kanvuruwane Mulugu

Brochura ntti Kanvuruwane Mulugu nisasanyedhiwe wi nasunzihe ebaribari attu ahinwodhetxa wengesa. Makuku meli-meli anna nsunzo nimodha, ninkaana mafoto asasanyedhiwe nofwaseya vaddiddi, noona mafoto aba ahikaana ewodhelo ya oladdaniha deretu dhinsunziwadha.

Brochura Kanvuruwane Mulugu wila Okalewo na Mukalakala, maladdanihoya anoligana na Kanvuruwane Mulugu, mbwenye mazuya alebiwemo ahinjiva, agakalawo namasunza onengesa vang’onovi, onovahiwa brochura ntti. Anamalaleya enjeene anziveliwetxa osunzihana nttene sabwani awene ba anamasunzihaya, oku anamasunza awa bana ntti na Kanvuruwane Mulugu. Makuku menjene ahikaana kasha dhina miselu dhinenjedhedha nsunzona, jofuneya vina osunziwa mowiwanana na ewodhelo ya namasunzaya.

Mabrochura aba omeli anovahiwa mudhidhi-mudhidhivi; masiki akala dhipanodha dhinlabiwana mweriya kahiye esuwene. Akala onsunzihana nsunzo na Bibilia, ologege maladdaniho alimo wi nlebo nitonyiwe mBibiliani ninoneleyemo. Okosege mavuzo wi muriganelege nsunzona, vina wi oziwe akala namasunzaya ohinonelamo obe nne. Mwengesege vina musekeserhege nlebona ninlebiwa mutxiddo mwa nikuku nimodha-nimodha. Mugagomiha brochurana, kasunzani nivuru Txini Ensunziha Bibilia Txibarene? obe Txini Ennisunziha Bibilia? wi namasunzaya awodhe osusavi ofiyedha ofwanya ttarho y’obatiziwa.