Skip to content

Skip to secondary menu

Skip to table of contents

Anamoona a Yehova

Etxuwabo

Mabasa na Yeddelo Yehu ya Okristu–Nivuru na Mabasa a Matugumano

  |  Feverero ya 2018

 YEDDELO YA AKRISTU

“Warihe Amambali Awo, Kuwapwaze”

“Warihe Amambali Awo, Kuwapwaze”

Nsaka nali Yezu velaboni ya vati, iyene wanloga vaddiddi nlamulo ntti: “Omurihe babo na mayo.” (Obud 20:12; Mt 15:4) Yezu kakana manyazo ologa mazu aba sabwani iyene wahawiwelela amambali aye “arumelaga dhetene dhalogani” yajedhiwa yali ejene, vowi iyene wali muzombwe. (Lk 2:51) Vonileyi wi ohimala wunuwa vina ninowaddamela labo naye na odhowa wirimu wahikosa masasanyedho wi maye akoyiwe.​—Jo 19:26, 27.

Malabo abano ehu, aima kaniwa dha amambali awa; noona mwana ole olí Mukristu onofuniwana omwiwelela vina ologa na amambali aye n’oleleya; oku kuloga wariha amambali. Muzombwe kasakulege mudhidhi wawariha amambali aye, oriha kunna nsaka. Masiki akala amambalihuya anakalaba, nariheni wi aneddihegenavi malago na ononelamowa wawa. (Gano 23:22) Wariha oku vina oniwanana na wagaddagaddeyiha vina wavedelaga dhinajombela. (1Tim 5:8) Jofuneya iyo ologaga mazu a nriho na amambali ehu, masiki nikale na azombwe obe apali.

KOONA VIDIYU YA WAREDHIHA CONVERSAR COM OS MEUS PAIS? COMO? OGAMALA WAKULE MAVUZO ABA:

  • Onrutxeliwa gani ologa na amambali awo?

  • Onawodhe dhavi ologa mazu oriheya na amambali awo?

  • Ekalele nni yofuneya oliba murima wi ologe na amambali awo? (Gano 15:22)

    Ogalogaga na amambali awo onela okana zelu ya weddihagana okalawo wawo