Skip to content

Skip to secondary menu

Skip to table of contents

Anamoona a Yehova

Etxuwabo

Mabasa na Yeddelo Yehu ya Okristu–Nivuru na Mabasa a Matugumano

  |  Feverero ya 2017

 YEDDELO YA AKRISTU

Olabihedhe na Malago Manivuru Ehu

Olabihedhe na Malago Manivuru Ehu

Nabuya Yezu ohiloga: “Guru eso mwilé ovahiwa, labanina muhilogosaga elo.” (Mt 10:8) Malago aba ninowiwelela; kaninimulogosa muttu akala ninonvaha Bibilia obe nivuru-nivuruvi. (2 Kor 2:17) Masiki eziweyaga wi manivuru aba ahikaana mafumo a ebaribari ya Mazu a Mulugu. Manivuru aba wila apidiwe vina agawiwe milogo dha elabo yotene, vanokosiwa guru enddimuwa vina vanonogiwa kobiri yinji. Noona, nittukulegeni manivuru anfunihu bahi.

Nihinatti onvaha muttu nivuru, niromege winanele efunelo elagihiliye, masiki akala ninlaleya vattaddo. (Mt 7:6) Akala onologa na muttu-muttuvi mudila, kuttamagele onvaha nivuruna, orome ologana wi wone vangomela efunelo yaye. Karoma orumeela mavuzo aba ali mukashani eji. Venevo onela wona akala ohikaana ewodhelo ya wona efunelo ya muttu-muttu, wili-wili bozinddiyela enanvahiwe, akala nivuru obe foliyetu. Kito akala muttuya onokumbirha revista obe nivuru-nivuruvi? Na murima wehu wotene ninela onvaha.Gano 3:27, 28.