Skip to content

Skip to secondary menu

Skip to table of contents

Anamoona a Yehova

Etxuwabo

Mabasa na Yeddelo Yehu ya Okristu–Nivuru na Mabasa a Matugumano

  |  Abrili ya 2017

 YEDDELO YA AKRISTU

Kamoyele na Emweru-mweru

Kamoyele na Emweru-mweru

Aboya anfuna omoyeliwa na emweru-mweru bani? Attu otene anda wona matugumano ehu Okristu—otene abale aziwilihu wale. (Rom 15:7; Aheb 13:2) Ena ankala Akristu akwihu a elabo yina obe Akristu attiyile otugumana, anroma-wene otugumana yakene-ejo. Kowiliwa wali weyo, kinaganyedheya yawi ogahifuna omoyeliwa. Kito kinkala walejela na emweru-mweru anawoniwe yawi anofiya-wene? (Mt 7:12) Bahi-tti akala pumwenemo kakosa guru ya odhowa onumbani ya omwene mutanene, wi walejele vina wamoyele abale anawoniwe yawi aswa. Muttu-muttu agakosaga dhahene otene anokala emweru-mweru, vina vanela woneya okwela onimuttittimiha Yehova. (Mt 5:16) Enoziweya wi kinwodheya ologa na attu otene ankala vamatugumanoni. Mbwenye otene anosanzaya, muttu-muttu wa iyo agavilibihedha odhana emweru-mweru. *

Elemelelo ya wattambirha attu kinlagihiwa vamuttuponivi munddimuwa ninga va Siyarini ya Nabuya; obu mweddelo onfuniwanihu mudhidhi wotene. Abale aswa anda, agoona emweru-mweru n’okwelawa onkanihu, anela ottukuleya murima bafiyedha orumeela omulabela Mulugu, avitaganyihaga na iyo muwebedhani webaribari.—Jo 13:35.

^ par. 3 Agakalawo muttu oburutxiwe mmulogoni mbwenye onodha wona matugumano, iyo nihimala oziwa mweddihedhoya, vowi Bibilia ohinitxenjeriha.—1 Kor 5:11; 2 Jo 10.