Mwet ngeni masouan

Mwet ngeni tettelin menlapen masouan

Chón Pwáraatá Jiowa

Fili menni fós Fósun Chuuk

 LESEN 17

Ifa Usun Ekkewe Chónemmwen mi Wisen Sáifetál Ra Álisikich?

Ifa Usun Ekkewe Chónemmwen mi Wisen Sáifetál Ra Álisikich?

Malawi

Mwich fán iten afalafal

Angangen afalafal

Án ekkewe mwán mi ásimaw mwich

Ewe Paipel, lón ewe Tesin Krik a fós usun Parnapas me aposel Paulus fán chómmóng. Ekkeei mwán, iir chónemmwen mi wisen sáifetál me ra wisen chuchchuuri án Chón Kraist kewe mwichefel lóóm. Pwata? Ra enletin ekieki usun nonnomun pwiir kewe lón pekin lúkú. Paulus a erá pwe a mochen ‘liwinsefäl pwe epwe churi pwiin kewe’ me ppii ika ifa usun nonnomur. A tipemecheres le sái fitepúkú mwail ren an epwe apéchékkúler. (Föför 15:36) Lón ei fansoun pwal ina met néúch kewe chónemmwen mi wisen sáifetál ra tipeni.

Ra etto pwe repwe apéchékkúlakich. Emén chónemmwen mi wisen sáifetál a chuuri ekkewe mwichefel úkúkún eú wiik fán ruu lón eú ier. Sipwe kúna watteen álillis seni ekkeei chónemmwen mi lipwákéch pwal seni pwúlúwer kewe ika iir mi pwúpwúlú. Ra achocho le sileéchú ekkewe kúkkún me sáráfé, me pwal ekkewe mi watte. Ra pwapwa le fitikem le afalafal me chuuri néúm kewe chón káé. Ekkeei chónemmwen fengen me ekkewe mwán mi ásimaw lón mwichefel ra chuuri ekkóch chón ewe mwichefel pwe repwe ngeniir kapasen apéchékkúl. Ra pwal eáni afalafal lón mwich me mwichelap pwe repwe apéchékkúlakich.​—Föför 15:35.

Ra pwáraatá ar áfánni meinisin. Ekkewe chónemmwen mi wisen sáifetál ra fókkun áfánni nonnomun ekkewe mwichefel lón pekin lúkú. Ra mwichfengen me ekkewe mwán mi ásimaw me chónálillisin mwichefel pwe repwe nengeni feffeitáán ewe mwichefel me awora ngeniir emmwen ren ifa usun repwe apwénúetá wiser kewe. Ra álisi ekkewe pioneer pwe repwe sópwéch lón ar angangen afalafal. Ra pwapwa le silei ekkewe minefé me rongorong pwóróusen ar achocho le feffeitá lón ewe enlet. Meinisin ekkena mwán ra fangoló pwisin iir pwe repwe álisikich usun iir ‘chiechiach’ chón angang. (2 Korint 8:23) Sipwe áppirú ar lúkú me ar tuppwél ngeni Kot.​—Ipru 13:7, TF.

  • Met popun ekkewe chónemmwen mi wisen sáifetál ra chuuri ekkewe mwichefel?

  • Ifa usun sipwe tongeni feiéch seni ar chuuri ewe mwichefel?