Mwet ngeni masouan

Mwet ngeni tettelin menlapen masouan

Chón Pwáraatá Jiowa

Fili menni fós Fósun Chuuk

 LESEN 12

Ifa Usun A Kkótóló Ám Angangen Afalafala ewe Mwú?

Ifa Usun A Kkótóló Ám Angangen Afalafala ewe Mwú?

Spain

Belarus

Hong Kong

Peru

Ekiseló me mwen án Jesus máló, a apasa: “Ei kapas allim usun ewe mu epwe esineifeili won unusen fonufan, pwe epwe pwar ngeni einang meinisin. Iwe, a ina sopolon.” (Mateus 24:14, TF) Nge ifa usun epwe pwénúetá ei angangen afalafal wóón unusen fénúfan? Ren ach áppirú minne Jesus a féri atun a nóm wóón fénúfan.​—Lukas 8:1.

Aua achocho le chuuri aramas lón imwer kewe. Ekkewe chón káé ra káit me ren Jesus pwe repwe afalafala ewe kapas allim lón imw me imw. (Mateus 10:11-13; Föför 5:42; 20:20) Ekkewe chón afalafal Chón Kraist me lóóm ra afalafal ikewe ra ewisa ngeniir repwe afalafal ie. (Mateus 10:5, 6; 2 Korint 10:13) Pwal ina chék usun ikenái, ám we angangen afalafal a fókkun kókkótéch, eú me eú mwichefel a wor ikewe repwe wisen afalafal ie. Ei a atufichikem le apwénúetá án Jesus we allúk pwe aupwe unusen pwáraatá me “afalafala ewe Pworausen Manau ngeni ekewe aramas.”​—Föför 10:42.

Aua achocho kútta aramas ikewe aua kúner me ie. Jesus a pwal isetiw leenien áppirú ren an afalafal ngeni aramas ikewe ra soun nóm ie, áwewe chék leppi, ren ekkewe chénúttu án chón ewe sóópw. (Markus 4:1; Johannes 4:5-15) Ese lifilifil ewe leeni, ika mi tufich ám aua pwal pwóróus ngeni aramas usun ewe Paipel, áwewe chék wóón al, lón sopai me pútái, wóón oroor, me wóón telephone. Am aua pwal afalafal ngeni chón órúm kewe, chienem chón angang, chón sukul, me márárim kewe atun a suuk ngenikem ewe fansoun mi fich. Meinisin ekkeei achocho a atufichi ekkewe fite million aramas wóón unusen fénúfan le rong ‘ewe kapas allim usun amanau.’​—Kölfel 96:2, Ewe Kapasen God are KG.

Ka tongeni ekieki usun emén kopwe tongeni fós ngeni usun ewe kapas allimen Mwúún Kot me ifa usun an a weneiti manawan lón mwachkkan? Kosap amwéchú seni ekkewe ekkóch ei ápilúkúlúk. Kopwe mwittir apwóróusa ngeniir ika ka tongeni!

  • Ifa ewe “kapas allim” mi lamot epwe esilefeil?

  • Ifa usun ekkewe Chón Pwáraatá Jiowa ra áppirú napanapen án Jesus afalafal?