Mwet ngeni masouan

Mwet ngeni tettelin menlapen masouan

Chón Pwáraatá Jiowa

Fili menni fós Fósun Chuuk

 LESEN 11

Ifa Usun án Paipel Kewe Kapasen Emmwen Repwe Amúrinnéló Manawach?

Ifa Usun án Paipel Kewe Kapasen Emmwen Repwe Amúrinnéló Manawach?

1. Pwata a lamot ngenikich emmwen?

Án Paipel kapasen emmwen pwe manaw eú liffang seni Kot a amwékútúkich le féri met?KÖLFEL 36:9.

Ewe Chón Férikich a tipachem lap senikich. I ewe Sam mi tong mi chúngúkich. Pwal eú, ese férikichetá pwe sipwe pwisin nemenikich me lúkún i. (Jeremaia 10:23) A lamot ngenikich meinisin án Kot emmwen usun chék emén semirit mi lamot ngeni án inan me seman emmwen. (Aisea 48:17, 18) Án Paipel kapasen emmwen, ina eú liffang seni Kot, mi awora emmwen.Álleani Kölfel 119:105.

Án Jiowa kewe allúk me kapasen emmwen ra asukulakich ewe alen manaw mi echipwér seni meinisin iei, me a áiti ngenikich ifa usun sipwe tongeni kúna feiéch fóchófóch lón mwach kkan. Pokiten Kot a férikich, a pwúng ach sipwe aúcheani an emmwen.Álleani Kölfel 19:7, 11; Pwärätä 4:11.

2. Met weween án Paipel kewe kapasen emmwen?

Án Paipel kewe kapasen emmwen ikkena lóngólóngun pwóróus mi enlet. Nge ekkewe allúk, ra tongeni weneiti tichikin mettóch. (Tuteronomi 22:8) Mi lamot sipwe anganga ach tufichin ekiek le weweiti eú kapasen emmwen mi weneiti eú mettóch. (Än Salomon Fos 2:10-12) Áwewe chék, ewe Paipel a áitingenikich pwe manaw ina eú liffang seni Kot. Ena kapasen emmwen a tongeni emmwenikich lón leenien ach angang, lón imwach, me atun sia sáiló ekis. A emmwenikich ach sipwe túmúnúéch.Álleani Kölfel 100:3.

3. Ikkefa ekkewe ruu kapasen emmwen mi kon lamot?

Jesus a kapas usun ruu kapasen emmwen mi kon lamot. Ewe áeúin, a pwáraaló ewe wesewesen popun aramas ra manaw, weween pwe repwe silei Kot, tongei i, me angang ngeni fán tuppwél. Mi lamot sipwe ekieki ena áeúin kapasen emmwen lón mettóch  meinisin sipwe apwúngaló. (Än Salomon Fos 3:6) Chókkewe mi apwénúetáfichi alón ena kapasen emmwen repwe wiliti chiechien Kot, kúna pwapwa enlet, me manaw esemuch.Álleani Tuteronomi 10:12, KG.

Ewe oruuen kapasen emmwen, epwe tongeni emmwenikich pwe epwe wor kinamwe lefilach me ekkewe ekkóch. (1 Korint 13:4-7, TF) Ach apwénúetá ena oruuen kapasen emmwen a pachelong ach áppirú féfférún Jiowa ngeni aramas.Álleani Mateus 7:12; 22:39, 40, TF.

4. Ifa usun án Paipel kewe kapasen emmwen ra álisikich?

Án Paipel kewe kapasen emmwen ra asukula ekkewe famili ifa usun repwe tipeeúfengen lón tong. (Kolose 3:12-14) Án Kot Kapas a pwal túmúnú ekkewe famili ren an áiti ngeniir pwal eú kapasen emmwen usun án ewe ririin pwúpwúlú epwe nomofóch.Álleani Keneses 2:24.

Sia tongeni sópwéch lón ach ataweei osupwangach lón pekin aion me meefi kinamwe iteitan ren ach álleasochisi áitien Paipel kewe. Áwewe chék, fán chómmóng ekkewe meilapen business ra mochen néúnéú chón angang mi apwénúetá án Paipel kewe kapasen emmwen usun wenechar me tinikken. (Än Salomon Fos 10:4, 26; Ipru 13:18) Án Kot we Kapas a pwal áiti ngenikich pwe sipwe menemenéch ren ekkewe mettóch mi lamot ngenikich me aúcheani ach chiechi ngeni Kot, lap seni mettóchun aion.Álleani Mateus 6:24, 25, 33; 1 Timoty 6:8-10.

Ach apwénúetá án Paipel kewe kapasen emmwen ra pwal tongeni túmúnú péchékkúlen inisich. (Än Salomon Fos 14:30; 22:24, 25) Áwewe chék, ach álleasochisi án Kot allúk usun únnúpuch epwe túmúnú senikich semmwen mi chou me ákseten. (Än Salomon Fos 23:20) Jiowa a mutatá únnún sakaw fán úkúkéch. (Kölfel 104:15; 1 Korint 6:10) Án Kot kewe kapasen emmwen ra efeiéchúkich ren an asukulakich pwe sisap chék túmúnú ach féffér nge pwal ach ekiek. (Kölfel 119:97-100) Nge Chón Kraist mi enlet rese álleasochisi án Kot kewe emmwen pokiten chék repwe kúna álillis seniir. Nge, ra féri ena pwe repwe elingaaló Jiowa.Álleani Mateus 5:14-16.