Mwet ngeni masouan

Mwet ngeni tettelin menlapen masouan

Chón Pwáraatá Jiowa

Fili menni fós Fósun Chuuk

 LESEN 6

Affataéchú Pwata Ka Néúnéú Wokisin

Affataéchú Pwata Ka Néúnéú Wokisin

Johannes 10:33-36

MENLAPAN: Mwirin óm álleani eú wokisin, kosap chék mwittir mwet ngeni pwal eú pwóróus. Kopwe affata ngeni ekkewe chón aúseling ririfengenin ewe wokisin ka álleani me ewe pwóróus ka mochen menlapei seni.

MINNE KOPWE FÉRI:

  • Menlapei ekkewe kapas mi kon lamot. Mwirin óm álleani eú wokisin, menlapei ekkewe kapas mi riri ngeni ewe pwóróus ka mochen menlapei. Ka tongeni féri ena ren óm ekkenniwili ekkena kapas are eáni eú kapas eis epwe efisi án chón aúseling repwe kúna ekkena kapas.

  • Menlapei ewe pwóróus ka mochen repwe chechchemeni. Ika kopwe akkomw affata met popun kopwe álleani eú wokisin, iwe kopwe pwal áweweei ifa usun ekkewe menlapen kapas lón ewe wokisin ra riri ngeni ena popun.

  • Ámecheresi óm áweweei ririfengenin ewe wokisin me met ewe ka menlapei. Túmúnú pwe kosap pwal fósun ekkewe mettóch rese lamot ngeni minne ka mochen menlapei. Aúkúkúéchú fitu pwóróus kopwe apachaalong ren an epwe ffataffatéch me weweéch ririin ewe wokisin ngeni met ewe ka mochen menlapei, nge epwe chék alóngólóng wóón met chón aúseling ra fen silei usun lón ewe pwóróus.