Met meefiom . . .

  • ewer?

  • aapw?

  • neman?

 MET EWE PAIPEL A APASA

“Repwe manausefäl seni mäla.”​—Föför 24:15, Paipel are Testamentin Lom me Testament Söfö.

IFA USUN ENA PWÓRÓUS EPWE ÁLISUK

Ouruur atun attongeach kewe ra sópwóló.​—2 Korint 1:3, 4.

Ngaseló seni niwokkusun an epwe máló.​—Ipru 2:15.

Eú wesewesen ápilúkúlúk le kúnasefáli attongeach kewe mi máló.​—Johannes 5:28, 29.

 KICH MI TONGENI WESEWESEN LÚKÚ MET EWE PAIPEL A APASA?

Ewer, ren mwo chék ekkeei úlúngát popun:

  • Kot ewe Chón Awora manaw. Ewe Paipel a eita ngeni Jiowa Kot ewe “lepopun manau meinisin.”(Kölfel 36:9; Föför 17:24, 25) Ewe Emén mi awora manaw ngeni ménúmanaw meinisin ina i chék pwal ewe a tufichin aworasefáli manaw ngeni emén a fen máló.

  • Kot a fen amanawatá aramas me lóóm. Ewe Paipel a apasa pwe mi wor walumén aramas, weween sáráfé, chinnap, mwán me fefin ra manawsefál seni máló me wóón fénúfan. Ekkóch ra máló ren mwochomwochen fansoun, nge emén a fen nónnóm lón peias rúánú rán!​—Johannes 11:39-44.

  • Kot a wesewesen mochen an epwe fissefál. Jiowa a oput máló. Me ren, máló a usun emén chón oput. (1 Korint 15:26) A mochen an epwe okkufu ena chón oput, Jiowa epwe amóeló máló ren ewe manawsefál. A mwétéresiti an amanawasefáli chókkewe ra nónnóm lón ekiekin.​—Hiop 14:14, 15.

 METTÓCH KOPWE EKIEKI

Pwata sia chinnapeló me máló?

Ewe Paipel a pélúweni ena kapas eis lón KENESES 3:17-19 me ROM 5:12.