Mwet ngeni masouan

Mwet ngeni tettelin menlapen masouan

Chón Pwáraatá Jiowa

Fili menni fós Fósun Chuuk

Kenneth E. Cook, Jr., me pwúlúwan we, Jamie

Emén Mineféén Chón ewe Mwichen Soupwúngúpwúng

Emén Mineféén Chón ewe Mwichen Soupwúngúpwúng

LÓN January 24, 2018, lesossorun Aúlúngát, ekkewe familien Bethel lón Merika me Canada ra pwapwa le rongorong eú esilesil mi kkóló aúchean pwe Pwiich Kenneth Cook, Jr., a kapachelong lón ewe Mwichen Soupwúngúpwúng án Chón Pwáraatá Jiowa.

Pwiich Cook a uputiw me mááritá lón Pennsylvania, U.S.A. A silei ewe enlet seni emén chienan chón sukul me mwan an sochungio lón high school. Iwe a papatais lón June 7, 1980. A poputá le regular pioneer lón September 1, 1982. Mwirin an pioneer ruu ier, i a ketiw lón Bethel me poputá an angangen Bethel lón October 12, 1984 me Wallkill, New York.

Lón ekkewe 25 ier mwirin, Pwiich Cook a eáni sókkopaten angang lón Leenien Peres me lón Ofesin Bethel. A pwúlúweni Jamie lón 1996, me neminna a fiti i le angang Bethel lón Wallkill. Lón December 2009, Pwiich me Fefinach Cook ra mwékút ngeni Watchtower Educational Center lón Patterson, New York, ikewe Pwiich Cook a kewis pwe epwe angang lón Writing Correspondence Department. Lón April 2016, mwirin ekis chék fansoun án Pwiich me Fefinach Cook nóm Wallkill, ra mwékút ngeni Brooklyn, New York. Mwirin nimu maram, ra pwal mwékút ngeni ewe ofesilap lón Warwick, New York. Lón January 2017, Pwiich Cook a kefilitá pwe epwe wisen álillis ngeni ewe Kúmiin Pekin Mak án Mwichen Soupwúngúpwúng.