Ewe Allúkún Moses a erá pwe emén mwán mi mochen mu seni pwúlúwan epwe ammólnatá eché taropwe mi fiti pwúngún allúk. A kawor ena allúk, fán iten án pwúpwúlú resap chék mwittir mufesen. Nge lón fansoun Jesus we, ekkewe néúwisin lamalam ra ámecheresi án ekkewe pwúpwúlú mufesen. Ekkewe mwán ra tongeni mu seni pwúlúwer ren och popun ese fókkun lifilifil. (“taropween mufesen” study note wóón Mat 19:7, nwtsty-E; “divorces his wife,” “commits adultery against her” study note wóón Mar 10:11, nwtsty-E) Jesus a menlapei ewe enlet pwe Jiowa a poputááni me akkóta ewe kókkótun pwúpwúlú. (Mar 10:2-12) Ewe mwán me ewe fefin repwe “eu chök” me epwe nómoffóch ar riri. Eú chék mettóch Paipel a mutatá mufesen ren, ina án emén “kirikiringau” ngeni pwúlúwan are a tipisin lisowumwáál usun met ewe soumakken Mateus a makkeei.​—Mat 19:9.

Ikenái, chómmóng aramas ra eáni án ekkewe Farisi ekiek nge esap án Jesus usun pwúpwúlú. Atun a wor ar osukosuk, chón fénúfan ra mwittir mufesen. Nge ekkewe Chón Kraist pwúpwúlú ra aúcheani ar pwonen apwúpwúlú me ra achocho le pwákini ar osukosuk ren ar apwénúetá án Paipel kapasen emmwen. Mwirin ffichin ewe video Love and Respect Unites Families, pélúweni ekkeei kapas eis:

  • Ifa usun kopwe apwénúetá Än Salomon Fos 15:1 lón óm pwúpwúlú me pwata a lamot ei?

  • Ifa usun ka tongeni ttii sonuk osukosuk ika ka apwénúetá Än Salomon Fos 19:11?

  • Ika epwele ta óm pwúpwúlú, ikkefa ekkewe kapas eis kopwe itá ekieki usun mwen óm chék ekieki, ‘Upwe mu seni pwúlúwei?’

  • Ifa usun kopwe emén mwán pwúpwúlú are emén fin pwúpwúlú mi múrinné ren óm apwénúetá Mateus 7:12?