Mwet ngeni masouan

Mwet ngeni tettelin menlapen masouan

Chón Pwáraatá Jiowa

Fili menni fós Fósun Chuuk

 MANAWEN CHÓN KRAIST

Ámúrinnééló Tufichich lón ewe Angangen Afalafal​—Áiti Chón Káé le Ammólnatá

Ámúrinnééló Tufichich lón ewe Angangen Afalafal​—Áiti Chón Káé le Ammólnatá

PWATA A LAMOT: Ika ekkewe chón káé ra ammólnatá ar lesen, ra tongeni mwittir weweiti me chemeni met sia asukula ngeniir. Lapólóón ar weweiti me chemeni ekkewe pwóróus, pwal ina mwittirin ar feffeitá lón ar lúkú. Pwal mwo nge mwirin ar ra papatais, a lamot repwe ammólnatá fán iten ekkewe mwich me ewe angangen afalafal pwe repwe “mamasa.” (Mat 25:13) Ina popun, ar silei ifa usun repwe káé me an epwe wor eú ar kókkótun káé mi múrinné epwe álisiir lón ánein manawer. Seni chék lepoputáán, mi lamot sipwe álisiir ar repwe eérenaaló le ammólnatá fán iten ar káé.

USUN ACH FÉRI:

  • Kopwe eú leenien áppirú mi múrinné. (Ro 2:21) Kopwe ammólnatá eú me eú káé nge pwal ekieki met a lamot ngeni noum we chón káé. (km 11/15 3) Mut ngeni epwe kúna pwe en mi erii lón noum we puk

  • Pesei an epwe kan ammólnatá. Atun a ffat pwe ewe káé epwe fis iteitan, ereni pwe an epwe ammólnatá a kapachelong lón ewe kókkótun káé, iwe áweweei ifa usun epwe tongeni kúna feiéch seni. Kopwe ngeni ekkóch kapasen pesepes mi álilliséch ren ifa usun epwe ppii ika ineet epwe kan awora fansoun le ammólnatá. Ekkóch chón afalafal ra kan ngeni ewe chón káé néúr puk mi eriló pwe epwe néúnéú atun ewe káé pwe epwe kúna échún an epwe ammólnatá. Apúnga atun a kan ammólnatá

  • Áiti ngeni ifa usun epwe ammólnatá. Atun chék lepoputáán ewe kókkótun káé, ekkóch chón afalafal ra áeá unusen eú fansoun káé le áiti ngeni néúr chón káé ifa usun repwe tongeni ammólnatá fán iten eú lesen