Mwet ngeni masouan

Mwet ngeni tettelin menlapen masouan

Chón Pwáraatá Jiowa

Fili menni fós Fósun Chuuk

 PWÓRÓUS AÚCHEA SENI KAPASEN KOT | MATEUS 14-15

Eú Kúkkún Mwichen Aramas le Amwéngééni Chómmóng

Eú Kúkkún Mwichen Aramas le Amwéngééni Chómmóng

Me mwen epwe fis ewe Pasofer lón ewe ier 32, Jesus a féri eú manaman. Ina ewe chék eú manaman pwóróusan a mak lón me rúáánú ekkewe Puken Kapas Allim.

Ren ena manaman, Jesus a isetiw eú kókkót minne a chúen sópweló tori lón ach ei fansoun.

14:16-21

  • Jesus a ereni néún kewe chón káé ar repwe amwéngééni eú mwichemmongun aramas inaamwo ika a chék wor rer nimeféú pilawa me rúúemén iik

  • Jesus a angei ekkewe pilawa me iik, iwe mwirin an iótek, a ngeni néún kewe chón káé nge iir ra ineti ngeni ekkewe aramas

  • Ren ena eú manaman, aramas meinisin ra métúló me a pwal wor lusur. Jesus a amwéngééni fitengeréú aramas ren án chék fitemén álillis, án néún kewe chón káé

  • Jesus a oesini pwe lón ekkewe ránin lesópwólóón, epwe awora alen an epwe kawor ewe mwéngé lón pekin lúkú “lon fansoun fich.”​—Mat 24:45

  • Lón 1919, Jesus a ewisa ngeni “ewe chon angang mi allükülük o tipachem,” eú kúkkún mwichen mwán mi kepit ar repwe mesemes wóón “nöün kewe chon angang,” iir kewe mi angei ener mwéngé

  • Jesus a áeá ena kúkkún mwichen mwán mi kepit le sópweló ewe kókkót a fen isetiw lón fansoun ekkewe aposel

Ifa usun ua tongeni pwáraatá pwe ua tipeeú ngeni me súféliti ewe alen án Jesus amwéngééni chómmóng aramas lón pekin lúkú?