Mwet ngeni masouan

Mwet ngeni tettelin menlapen masouan

LESEN 11

Pwata Aua Fiti Ekkewe Mwichelap?

Pwata Aua Fiti Ekkewe Mwichelap?

Mexico

Germany

Botswana

Nicaragua

Italy

Pwata ekkeei aramas ra fókkun mese pwapwa? Ra fiti eú me lein ám kewe mwichelap. A wor kókkótun néún Kot kewe aramas me lóóm, pwe fán úlúngát iteiten ier repwe mwichfengen, pwal ina usúm, ám aua mwétéresiti le chufengen lón ám kewe mwichelap. (Tuteronomi 16:16) Iteiten ier a wor úlúngát mwichelap, ruu eú ránin mwichelap me eú úlúngát ránin mwichelap lón summer. Ifa usun aua feiéch seni ekkeei mwichelap?

Ekkewe mwichelap ra apéchékkúla ám mwichen pwipwiin Chón Kraist. Usun chék ekkewe chón Israel ra pwapwa le mwareiti Jiowa “lon ewe mwich mi lap,” pwal ám aua pwal pwapwa le fel ngeni lón ekkena mwichelap mi kkóló aúchean (Kölfel 26:12; 111:1) Ekkeei mwichelap ra atufichikem le chiechi ngeni ekkewe Chón Pwáraatá seni ekkewe ekkóch mwichefel are ekkóch fénú. Atun leolowas, aua tongeni pwapwa le mwéngéfengen ikewe a fis ewe mwichelap ie, pwe aupwe tufichin chiechi ngeni pwiim kewe. (Föför 2:42) Lón ekkena mwichelap aua pwisin kúna ewe tong mi etipeeúfengeni ‘pwim kewe’ wóón unusen fénúfan.​—1 Petrus 2:17, TF.

Ekkewe mwichelap ra álisikem le áfeffeitáái ám riri ngeni Kot. Ekkewe chón Israel ra pwal kúna péchékkúl seni ar “weweiti ekkewe kapas” lón ewe Paipel mi áwewe ngeniir. (Nehemia 8:8, 12) Ám aua pwal aúcheani an Paipel kewe kapasen emmwen aua káé atun ám kewe mwichelap. Iteiten ier masouen ewe mwichelap a lóngólóng wóón eú itelap seni Paipel. Seni ekkewe afalafal me pwoomw mi amwarar, aua káé ifa usun aupwe féri letipen Kot lón manawem. Aua péchékkúl atun aua rongorong pwóróusen chókkewe ra sópwéch le ataweei ekkewe osukosuk ekkewe Chón Kraist ra kúna lón ekkeei fansoun mi weires. Atun ewe mwichelap lón summer, a wor sipaiin pwóróus lón Paipel me a asukulakich ekkewe lesen mi lamot lón manawach. Iteiten mwichelap, a wor kókkót pwe ekkewe ra fen fangoló manawer ngeni Kot ra tongeni papatais.

  • Pwata ekkewe mwichelap ina eú fansoun apwapwa?

  • Ifa usun óm fiti eú mwichelap epwe álisuk?