Towajla al contenido

Towajla menú secundario

Lin testigo de Jeoba

lataiki

¿Tomoshina lokuay-eya lapanjya?

¿Tomoshina lokuay-eya lapanjya?

¿Ima tokoma ijlta lapanjya...

  • ... tiwi-ima tomajl tsinyi?

  • ... titsi-ma shonka?

  • ... ajl tsinme al wena?

 LOKOPA AL BIBLIA

«Jlan Dios tetufkʼenamola lilujay lin shanúkʼ [...]. Ijlpe litine a-i mi-iya kamaya [...]. A-i mijolijkonayaku, a-i mitelkonayaku kumla. Ti ijla tojlta-a joupa ipaikopa jáway.» (Apocalipsis 21:4, Lataiki Loya-apa Ijle Alkʼa Lishpikʼepa Jlan Dios.)

TEJ WENA KAJL TSINYAKÚ JANI LIMETSʼAYKOJLÉ

Lajl penikʼ ti-ima awena je ishojmakata (Isaías 65:21-23).

A-i shonka lanaykoya ni mi panjkonayá al kuana (Isaías 25:8; 33:24).

Ajl manjnamé ashpai kata apan-aywa polofʼka lomana lalajujlʼ je lajl yejmale (Salmo 37:11, 29).

 ¿TIPA-A TE PERA KAJL KIEKʼEYAKÚ LOKOPA AL BIBLIA?

Maitsi, tipa-a tama oke lotalay-epa:

  • Jlan Dios ipufshi tenamjlʼima lishpikʼepa. Al Biblia tikua jlan Dios jáway tikushé ijlta ti kuajmayspa li pufshi a-i mi jouya (2 Corintios 6:18). Jani ishpikʼepa tipaykoma ijlta lapanjya tikuay-ewa al wena, tojliya tiem-a. To mikua al Biblia, «jlan Dios nipanjya tiem-a jáway» (Mateo 19:26).

  • Jlan Dios ipikʼa tenamjlʼijla li kufʼpa. Al Biblia tikua lin shanúkʼ pe joupa limanapola, Jeoba ipikʼa ti pay-enamola lijl pitine (Job 14:14, 15).

Joukʼa tikua Jesus, jli wa jlan Dios, ishajlmepola lafkual-lay. ¿Te pera? Ijlíya kopa-a lipikʼa (Marcos 1:40, 41). I-epa mato lipikʼa ki ayí la tokʼiya naitsi lawe-epolá (Juan 5:19).

Ijlta tikuayspa latayki, Jeoba je Jesus ijl pikʼa lapi-imon-a lapanjya ashpai kata (Salmo 72:12-14; 145:16; 2 Pedro 3:9).

 TAYKUISFʼESHOSHI

¿Jlan Dios tekoiya mipay-iya ijlta li-a kamatsʼ ti ijla awena?

Toshinma lotalay-epa al Biblia loshwepa MATEO 6:9, 10 je DANIEL 2:44.