Towajla al contenido

Towajla menú secundario

Lin testigo de Jeoba

lataiki

¿Ma al jlinka naitsi lokushepa li-a kamatsʼ?

¿Ma al jlinka naitsi lokushepa li-a kamatsʼ?

¿Tokoma ima...

  • ... jlan Dios?

  • ... kal shans?

  • ... a-i kajl tsina naitsi?

 LOKOPA AL BIBLIA

«Ijlta-a li-a kamatsʼ lokushepa Jlomda-á.» (1 Juan 5:19, Lataiki Loya-apa Ijle Alkʼa Lishpikʼepa Jlan Dios.)

«Ijle ki wakom-a jli wa jlan Dios, tetejlma li penikʼ Jlomda-á.» (1 Juan 3:8.)

TEJ WENA KAJL TSINYAKÚ JANI LIMETSʼAYKOJLÉ

Ajl kiekʼeme petsi kopan-okopa alfule kapanjya li-a kamatsʼ (Apocalipsis 12:12).

A-i malimenajyakon-a lajl waykopa alkʼa kapanjya (1 Juan 2:17).

 ¿TIPA-A TE PERA KAJL KIEKʼEYAKÚ LOKOPA AL BIBLIA?

Maitsi, tipa-a tama afane lotalay-epa:

  • Lo kushekopa Jlomda-á itakʼuimpa li junakʼ. Jeoba joupa ishpikʼepa tijoune-ma li penikʼ Jlomda-á loye-epola lin shanúkʼ. Ijlkíya ikufʼpa «tijoune-ma Jlomda-á» je jáway li epa (Hebreos 2:14).

  • Jesucristo kopa-a kal founajl jli wijfʼepa jlan Dios. Jesus ti ay layk jli founajl Jlomda-á lishkay lo kushepa li-a kamatsʼ. Al jlinka jlan Dios tikufʼke kal founajl Cristo: «Tishinmola kuanukʼ lo epá lakʼomú je lomana alfule kapanjya. Je lafulekeya ijlkíya lumjlu-emon-a» (Salmo 72:13, 14, Traducción del Nuevo Mundo).

  • Jlan Dios a-i mi-iya mifelaykeyá. Al Biblia tikua jlan Dios «a-i mi-iya mifelaykeyá» (Tito 1:2). Jeoba mikufʼma tojliya tiem-a (Isaías 55:10, 11). Je li kufʼpa tijoune-ma jlo kushepa ifa-á jlamatsʼ tiwaskufim-a (Juan 12:31).

 TAYKUISFʼESHOSHI

¿Te ko iwaleya lapanjya jani Jlomda-á a-i mi kushekonaya?

Toshinma lotalay-epa al Biblia loshuepa SALMO 37:10, 11 je APOCALIPSIS 21:3, 4.