Towajla al contenido

Towajla menú secundario

Lin testigo de Jeoba

lataiki

¿Tekawe-epa la ayí je lijl nashke tishojkomola kileta?

¿Tekawe-epa la ayí je lijl nashke tishojkomola kileta?

¿Tokoma ima...

  • ... lafokoya?

  • ... al tomi?

  • ... okuenaya?

 LOKOPA AL BIBLIA

«Jani tikionfʼeyi litayki jlan Dios joukʼa tiwejkoyi, shonka ipashnempá ijlniya.» (Lucas 11:28, Lataiki Loya-apa Ijle Alkʼa Lishpikʼepa Jlan Dios.)

TEJ WENA KAJL TSINYAKÚ JANI LIMETSʼAYKOJLÉ

La ayí je lijl nashke tifokomojltsi al jlinka (Efesios 5:28, 29).

Ti panjnama laywejkoya (Efesios 5:33).

Alkʼa ajlejmalename lalajujlʼ (Marcos 10:6-9).

 ¿TIPA-A TE PERA KAJL KIEKʼEYAKÚ LOKOPA AL BIBLIA?

Maitsi, tipa-a tama oke lotalay-epa:

  • Jlan Dios ishpikʼepa ti manj-le la ayí je lijl nashke. Al Biblia tikua jlan Dios Jeoba i-epa altea kamana (Génesis 2:18-24). Ajl kojle, la ayí je lijl nashke tijlmana ma jlan Dios ipanokopola. ¿Te pera laymetsʼaikoya ijlta-a?

    Ajl omjlʼikojle ima to tesma je to shina akʼa kal tejua itsiya opikʼa toshin-ufma jlilaywa, ¿naitsi kufmikuisfʼeya? Maitsi ma jli lankʼepa kal tejua.

    Maitsi ma tojliya, jani opikʼa toshin-ufma luf-eya ti manj-le al wena lo mana lo mejujlʼ, taykuisfʼejla Jeoba ijlkíya ilankʼepola.

  • Jlan Dios lafokon-a. Ima je lomana lo mejujlʼ tetenjlkokolwa tunlawejle al Biblia loshkʼaytsopa Jeoba, «ijlkíya tefokolwa» (1 Pedro 5:6, 7). Jeoba ipikʼa ajl manj-le al wena. Laywejkoya lokopa alkʼa tipanmayspa (Proverbios 3:5, 6; Isaías 48:17, 18).

 TAYKUISFʼESHOSHI

¿Tekoiya kaeyakoshi alkʼa kapeayi, kapeno je ka-ayí?

Toshinma lotalay-epa al Biblia loshuepa EFESIOS 5:1, 2 je COLOSENSES 3:18-21