Towajla al contenido

Towajla menú secundario

Lin testigo de Jeoba

lataiki

¿Te jliya jli founajl kan Dios?

¿Te jliya jli founajl kan Dios?

¿Tokoma ima...

  • ... tipa-a jlalumshajma?

  • ... lomana lamiswá?

  • ... jlokushepa lema-a?

 LOKOPA AL BIBLIA

«Jlan Dios lopa-a lema-a tipan-oma jli founajl je a-i mi jouya.» (Daniel 2:44, Traducción del Nuevo Mundo.)

«Jliwá lapi-ipon-a; lakushekoya tipanjma lishaye.» (Isaías 9:6)

TEJ WENA KAJL TSINYAKÚ JANI LIMETSʼAYKOJLÉ

  •  Ajlijka lokusheya ajl tokʼimon-a nipanjya anuli anuli (Isaías 48:17, 18).

  • Nouna, altsʼe kapanjya tiema ajl manj-le ishojma kata a-i mipanjkonaya al kuana (Apocalipsis 21:3, 4)

 ¿TIPA-A TE PERA KAJL KIEKʼEYAKÚ LOKOPA AL BIBLIA?

Maitsi, tipa-a tama oke lotalay-epa:

  • Jesús imujkopa lowajkoya jli founajl kan Dios. Ijlkiya liwejpá imukipola tishawekojle lanaja tiwan-i jli founajl kan Dios ti ijla lipikʼa jlan Dios ifa-a jlamatsʼ (Mateo 6:9, 10). Joukʼa imujpa teko-iya menamjliya lajl tsawepá.

    Li panjpa ifa-a jlamatsʼ Jesús itesmipola lomle-epá, lafkual-lay iepola kafshi je epi-ikonapola kijl pitine lamiswá (Mateo 15:29-38; Juan 11:38-44). Mashta tekoeya li penikʼ jli founajl kan Dios, joupa imukunma lo eya alkʼa lo manjyakú ifa-a jlamatsʼ (Apocalipsis 11:15).

  • Ijlta lapanjya tuya-e al jlinka jli founajl kan Dios nouna tikuaywa. Jesús uya-akopa ayjya tipan-oma jli founajl kan Dios tikuay-en-i al wena kapanjya ifa-a jlamatsʼ ti-ima kafulekeya, lumema je akueka kunamto (Mateo 24:3, 7).

    Itsiya litine ajl tsinyi luya-akopa. A-i malimenajmon-aʼ nouna jli founajl kan Dios tetufma.

 TAYKUISFʼESHOSHI

¿Teko-iya lapanjya tikushejla jli founajl kan Dios?

Toshinma lotalay-epa al Biblia loshuepa SALMO 37:29 je ISAÍAS 65:21-23.