Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Hafa si Yu'us Hadimanda nu Hita?

Leksion 7

Humihihot Guatu as Yuus gi Tinayuyut

Humihihot Guatu as Yuus gi Tinayuyut
  • Sa’ hafa na impottante para tafanayuyut regulatmente? (1)
  • Para hayi debi nai tafanayuyut, yan taimanu? (23)
  • Hafa i propiu na subhetu siha para tatayuyut? (4)
  • Ñgaian debi di unfanayuyut? (56)
  • Kao haekuñgok si Yuus todu tinayuyut siha? (7)

1 Tinayuyut i humitdidi takuentutuse si Yuus. Debi di unfanayuyut as Yuus regulatmente. Entonses sumiña un siente i humihotmu giya guiya komu un guaiyayon na amigu. Si Jehovah mampos dinankolonña yan mifuetsanña, lao haekuñgokha’ i tinayuyotta siha! Kao manayuyut hao as Yuus regulatmente?—Psalm 65:2; 1 Thessalonians 5:17.

2 I tinayuyut patte gi adorasionta. Enao na, debi di tafan manayuyut unikuha’ as Yuus, Jehovah. Gi annai gaige si Jesus gi tano’, sesso gue’ manayuyut guatu as Tataña, ti para masea hayi. Debi di hita lokkue’ tacho’gue parehu. (Matthew 4:10; 6:9) Lao, todu i tinayuyotta siha debi di utasañgan gi na’an Jesus. Este hana’annok na tarespeta i posision Jesus yan na man fehman hit nui reskataña nui hasakrifisia.—John 14:6; 1 John 2:1, 2.

3 Yangin man manayuyut hit debi di takuentuse si Yuus ginen i korasonta. Ti debi di tasañgan i tinayuyotta ginen i tadimimoria pat i tataitai siha ginen i lepblon tinayuyut. (Matthew 6:7, 8) Siña hit man manayuyut gi masea taimanu na respetayon posision, gi masea hafa na ora, yan gi masea manu na lugat. Si Yuus siña hahuñgok masea i tihongga na tinayuyut siha nui tasañgan ginen i korasonta. (1 Samuel 1:12, 13) Maolek utaespia i silensio na lugat apattao ginen i otru taotao siha para tafanayuyut petsonamente.—Mark 1:35.

4 Hafa siha na subhetu siña hao manayuyut pot? Masea hafa nui siñaha’ inafekta i inatuñgo’mu yan guiya. (Philippians 4: 6, 7) I modelu na tinayuyut hana’annok na debi di tafanayuyut pot i na’an Jehovah yan i proposituña. Siñaha’ lokkue’ tafaisen pot i materiat na nesisidatta para upribiniye hit, para uasi’e hit nui i isaota siha, yan para uayuda hit ruminunsia i tentasion. (Matthew 6:9-13) I tinayuyotta ti debi di utahambientuyi. Debi di tafanayuyut nuayoha’ siha i man faborapble yan i minalago’ Yuus.—1 John 5:14.

5 Siñaha’ hao manayuyut masea ñgaian i korasonmu sineyu hao para unna’e grasia pat adora si Yuus. (1 Chronicles 29:10-13) Debi di un fanayuyut yangin gumai prublema hao yan i hinenggemmu machachagi. (Psalm 55:22; 120:1) Este propiu i para un fanayuyut antes de un chocho. (Matthew 14:19) Si Jehovah hakombida hit para tafanayuyut “gi kada okasion.”—Ephesians 6:18.

6 Espesiatmente tanesisita manayuyut yangin takumeti un siriosu na isao. Gi enao na tiempo siha debi di uta tayuyot pot i mina’ase’ Jehovah yan i inasi’e’ña. Yangin takonfesat ñaihon i isaota giya guiya ya tacho’gue manu i nina’siñata ti para taripite siha, si Yuus esta “listo para ufanasi’e.”—Psalm 86:5; Proverbs 28:13.

7 Si Jehovah ayoha’ haekuñgok i tinayuyot i manunas na taotao. Para uhuñgok i tinayuyotmu siha si Yuus, debi di un chachagi manu i nina’sinamu para un la’la’ ginen i otdenña siha. (Proverbs 15:29; 28:9) Debi di un humitde yangin manayuyut hao. (Luke 18:9-14) Nisisario na un facho’cho’ gi hafa i untatayuyut pot. Hagu para entonses un aprueba na gai finehman hao yan na un sen na’magahet i hafa un sañgan. Enaoha’ entonses nai para uoppe si Jehovah i tinayuyotmu siha.—Hebrews 11:6.