Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Hafa si Yu'us Hadimanda nu Hita?

Leksion 16

Disisionmu para Unsetbi si Yuus

Disisionmu para Unsetbi si Yuus
  • Hafa nisisario uncho’gue para un amigu yan si Yuus? (12)
  • Haftaimanu unfa’tinas dedikasionmu guatu as Yuus? (1)
  • Ñgaian nai debi di unmatakpañgi? (2)
  • Haftaimanu unsustieni i minetgotmu para unsaga fehman guatu as Yuus? (3)

1 Para utaamigu yan si Yuus, nisisario ungu’ot i maolek na tiniñgo’ pot i minagahet i Biblia (1 Timothy 2:3, 4), na’fehman hao gi kosas siha nui esta untuñgo’ (Hebrews 11:6), fañotsot nui isaomu siha (Acts 17:30, 31), yan untarabira hao gi kareran lina’la’mu. (Acts 3:19) Despues i guinaiyammu pot si Yuus debi di unchinenik para un dedika hao mismo guatu giyaguiya. Este kumeke ilekña na gi petsonat, silension tinayuyut unsañgane gue’ na unentrerega hao mismo giya guiya para uncho’gue i minalago’ña.—Matthew 16:24; 22:37.

2 Despues di unfa’tinas i dedikasionmu guatu as Yuus, hagu debi di unmatakpañgi. (Matthew 28:19, 20) I Baotismo hana’fanmanunuñgo’ todus na undedika hao mismo guatu as Jehovah. Pues i baotismo para ayoha’ siha i man gai idat para udisidin maisa siha para uhasetbi si Yuus. Gi annai i petsona matakpañgi, enteru i tataotaoña debi di umana’ faliñgo gi halom hanom gi un momentuha’.*—Mark 1:9, 10; Acts 8:36.

3 Despues di unfa’tinas i dedikasionmu, si Jehovah para uekspekta hao para unla’la’ gi prumesamu. (Psalm 50:14; Ecclesiastes 5:4, 5) I Aniti para uchagi muna’keppara hao annai unsesetbi si Jehovah. (1 Peter 5:8) Lao na’hihot hao guatu as Yuus gi tinayuyotmu. (Philippians 4:6, 7) Estudia i Fino’ña kada dia. (Psalm 1:1-3) Na’chettun hao guatu gi inetnon. (Hebrews 13:17) Gi annai unchocho’gue todu este siha, siempre unsustieni i minetgot para unsaga fehman guatu as Yuus. Para todu taihinekkok hagu entonses siña uncho’gue kosas siha nui hadimanda hao si Yuus!

Kao un malagu'e mas infotmasion pat i dibatde estudion Biblia gi gima'? Tugi'e i Testigon Jehovah siha gi propiu na address. Address siha


* I inestudia pot i Tiniñgo Nui Hachachalani para i Taihinekkok na Lina'la', pat umachule’ na lepblo mana’huyong ginen i Watch Tower Bible and Tract Society, i marekomenda gi mapreparan i baotismo.