Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 10

Taimanu Ni Siña Un Tungo’ i Magahet Na Adorasión?

Taimanu Ni Siña Un Tungo’ i Magahet Na Adorasión?

1. Kao guaha unu ha’ magahet na rilihón?

“Gof adahi hamyo ni manfatso na profeta siha.”MATTHEW 7:15.

Si Jesus ha fa’na’gue i taotao-ña unu ha’ na rilihón, i magahet na rilihón. Kulan chalan ni ha diririhi para i táihinekkok na lina’la’. Si Jesus ha sangan: “Menos sumosodda’” ayu na chalan. (Matthew 7:14) Si Yu’us ha aksepta unu na adorasión ni ha sentro gi magahet na Palabra-ña. Todu i mansinseru na mandichosu mandaña gi unu ha’ na hinengge.Taitai John 4:23, 24; 14:6; Ephesians 4:4, 5.

2. Hafa si Jesus ha sangan pot ayu i manfatso na Kilisyanu siha?

“Ma deklara na matungo’ si Yu’us, lao ma disonra gue’ ginen i che’cho’-ñiha.”TITUS 1:16.

Si Jesus ha abisu na i manfatso na manprofeta siha ha na’atborutao i Mankilisyanu? Sanhiyong-ñiha, kulan siha i magahet na mandichosu. I ekglesian-ñiha ma embatga na siha i magahet na Kilisyanu. Lao siña ha’ un tungo’ hafa na klasin taotao siha ginen i che’cho’-ñiha. Taimanu? Unu ha’ magahet na adorasión ha produsi sinseru na Kilisyanu ni tungo’on na kualidát siha yan cho’cho’-ñiha.Taitai Matthew 7:13-23.

3. Taimanu un tungo’ i magahet na mandichosu siha?

Konsidera este i sinko ni ma aidentifika na matka siha:

  • I magahet na mandichosu ma respeta i Biblia komu Palabran Yu’us. Ma chagi manu i siña para u macho’gue i prinsipát-ña siha. Pues i magahet na rilihón ti  parehu yan ayu na rilihón ni masentro i idean-ñiha ginen i taotao. (Matthew 15:7-9) I magahet na mandichosu ti manmamamagat nu este pues ma cho’cho’gue otro.Taitai John 17:17; 2 Timothy 3:16, 17.

  • I mansinseru na taotao Jesus ma onra i na’an Yu’us, si Jeova. Si Jesus ha onra i na’an Yu’us ginen guiya ni ha na’matungo’ gue’. Ha ayuda i taotao para u matungo’ si Yu’us yan ha fana’na’gue siha para u fanmanáyuyot na si Yu’us na’an-ña u masantifika. (Matthew 6:9) Manu ni sumasaga hao, hafa na rilihón ha na’matungo’ i na’an Yu’us?Taitai John 17:26; Romans 10:13, 14.

  • I magahet na Kilisyanu manmamamagat pot i Rainon Yu’us. Si Yu’us ha na’hanao si Jesus para u famagat nu i maolek na asunto pot i Raino. I Rainon Yu’us ha’ ni gaige ina’ngokko para i taotao. Si Jesus sigi ha’ mañangani pot este asta ki matai. (Luke 4:43; 8:1; 23:42, 43) Ha sangan na i taotao-ña siha para u fanmamagat pot este. Komu guaha matto guatu giya hagu para un kuenentusi pot i Rainon Yu’us, ginen manu mohon na rilihón ni gaige gue’?Taitai Matthew 24:14.

  • Si Jesus taotao-ña ti manpatte gi este na manbaban sistema. Siña ha’ un tungo’ siha ginen ayu na manera i ti manpatte gi politika. (John 17:16; 18:36) Lokkue’, ti ma eyak che’cho’ piniligro yan hafa na eskama.Taitai James 4:4.

  • I magahet na Kilisyanu mangof agofli’e’ unu yan otro. Ginen i Palabran Yu’us, manmanungo’ manmanrespeta gi todu i nasión. Áchokka i manfatso na rilihón siha mampos ma supopotta i geran nasión, i magahet na mandichosu ma renunsia siha. (Micah 4:1-3) Adimás, i magahet na Kilisyanu mansenmagof ma usa i oran-ñiha yan i guinahan-ñiha para u fanmanayuda.Taitai John 13:34, 35; 1 John 4:20.

4. Kao siña un aidentifika i magahet na rilihón?

Manu na rilihón ha usa todu i fina’na’gue gi Palabran Yu’us, ya ha onra si Yu’us na’an-ña, yan ha proklama i Rainon Yu’us komu ayu ha’ i ina’ngokkon i taotao? Manu na gurupu ha praktika i ginefli’e’ yan ha suhayi i gera? Hafa mohon gaige gi hinasso-mu?Taitai 1 John 3:10-12.