1. Sa’ hafa si Yu’us na ha otganisa i antigu na Israhet

Si Yu’us ha otganisa i taotao-ña disendensian ginen i patriatka as Abrahan gi halom i nasión siha ya ha na’i lai. Ha agang ayu na nasión siha “Israhet” ya Ha na’i enkatgo ni magahet na adorasión yan pot i palabra-ña. (Psalm 147:19, 20) Pues i taotao gi todu i nasión siha siña ha’ manbenefisiu ginen i Israhet.Taitai Genesis 22:18.

Si Yu’us ha ayek i Israilitas para testigu-ña siha. I antigu na istorian-ñiha ha pribeniyi chalan para taimanu i taotao manbenefisiu yanggen ma osge i lai ginen as Yu’us. (Deuteronomy 4:6) Pues, ginen i taotao Israilitas, otro taotao siña manmanungo’ pot i magahet na Yu’us.Taitai Isaiah 43:10, 12.

2. Sa’ hafa na i magahet na Kilisyanu manotganisa?

Un tiempo, i taotao Israhet mana’falingu i fabot ginen as Yu’us, ya si Jeova ha kuentayi ayu na nasión ni minagahet na inetnon Kilisyanu. (Matthew 21:43; 23:37, 38) Pa’go, i tahguen i Israilitas, i magahet na Kilisyanu ni sumesetbe komu testigun Jeova siha.Taitai Acts 15:14, 17.

Si Jesus ha otganisa i mandisípulu-ña para u fanmamagat yan manmama’na’gue gi todu i nasión. (Matthew 10:7, 11; 24:14; 28:19, 20) Este na cho’cho’ mas mumeggai pa’go, gi halom este uttimo na Sistema. Taya ni masusedi este pa’go ha’, si Jeova ha na’fandadaña’ miyón na taotao ginen todu i nasión para i magahet na hinengge. (Revelation 7:9, 10) I magahet na Kilisyanu siha manotganisa para u fan á’eppok yan fanayuda unu yan otro. Gi enteru gi tano’, manmagogosa i parehu na programa siha ginen i fina’na’guen i Biblia gi kada miteng.Taitai Hebrews 10:24, 25.

 3. Taimanu tutuhon-ña i nuebu na otganisasión Testigun Jeova?

Gi 1870 na sakkan guaha dididi na gurupun estudianten i Biblia ma tutuhon ma sodda’ i apmam na malingu na minagahet gi Biblia. Ma tungo’ na si Jesus ha otganisa i magahet na Kilisyanu na inetnon para u fanmamagat, pues ma tutuhon manmamagat pot i Raino gi enteru gi tano’. Gi 1931 na sakkan ma adapta i na’an komu Testigun Jeova siha.Taitai Acts 1:8; 2:1, 4; 5:42.

4. Taimanu na ma otganisa i Testigun Jeova siha?

I finéne’na na siklo, gi meggai na lugát i magahet na Inetnon Kilisyanu manbenefisiu ginen halom i Manamko’ na tentago’ Yu’us siha ya ma rikonisa si Jesus komu guiya i Tronkon i inetnon. (Acts 16:4, 5) Parehu yan pa’go, i Testigun Jeova siha gi enteru gi tano’ manbenefisiu ginen i eksperensian i Manamko’ na tentago’ Yu’us. Siha mumaneneha kada ramas gi ofisinan i Testigun Jeova gi para mantranslada, imprenta, yan manman’na’i matiriát para u maestudiayi i Biblia gi mas ki 800 na lengguahi siha. Pues pot enao i Manamko’ na tentago’ Yu’us siha siña ha’ ha pribeniyi Eskritura para u mana’i animu yan para u dirihi mas ki 100,000 na inetnon gi todu i tano’. Gi kada inetnon, i mankualifikao na lalahi siha manmanenetbe komu Manamko’ na tentago’ Yu’us. Este na lalahi siha mangof guaiyayon ma adahi i taotao Yu’us.Taitai 1 Peter 5:2, 3.

I Testigun Jeova siha ma otganisa para u fanmamagat ni maolek na notisia yan para u fanmama’na’gue. Kulan i apóstoles, ni manmamamagat gi kada guma’. (Acts 20:20) Lokkue’ en ofreresi para u maestudiayi i Biblia ni sinseru na guinaiya pot i minagahet. Lao i Testigun Jeova siha ti otganisasión ha’. Hami unu ha’ na familia yan i guaiyayon na Tata. Hami unu ha’ na mane’lu ni manha’adahi unu yan otro. (2 Thessalonians 1:3) I taotao Jeova siha manotganisa para u manamagof si Yu’us yan para u ma’ayuda i otro. Siha i mas mansenmagof na familia gi tano’.Taitai Psalm 33:12; Acts 20:35.