Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 5

Hafa Si Yu’us Intensión-ña Para i Tano’?

Hafa Si Yu’us Intensión-ña Para i Tano’?

1. Sa’ hafa si Yu’us na ha na’huyong i tano’?

Si Jeova ha entrega i tano’ para i taotao. Este i tano’ lugát-ta. Pues, i finéne’na na taotao, si Adám yan si Eva, ti ma na’huyong para u na’bula i langet ni famagu’on-ñiha—si Yu’us esta ha na’fanhuyong i mananget siha gi langet. (Job 38:4, 7) Adimás, si Yu’us ha konne’ i finéne’na na dos taotao ya ha polu gi gof na’magof na lugát paradisu ayu i ma’á’agang i hatdín Eden. (Genesis 2:15-17) Si Jeova ha na’i siha yan i mamamaila’ na famagu’on-ñiha minagof yan táihinekkok na lina’la’ gi hilo’ tano’.Taitai Psalm 37:29; 115:16.

I orihinát, ayu ha’ i hatdín Eden paradisu. I finéne’na na dos taotao para u mana’bula i tano’ ni famagu’on-ñiha. Pues, un tiempo siha para u hulat i enteru i tano’ ya para u fama’paradisu. (Genesis 1:28) I tano’ ni ngai’an umá’destrosa. Sa’ para lugát-ñiha i taotao todu i tiempo.Taitai Psalm 104:5.

2. Sa’ hafa i tano’ na ti paradisu pa’go?

Si Adám yan si Eva mandisobidiente gi as Yu’us, pues si Jeova ha na’fanhuyong giya hatdín. Pues i paradisu mumalingu, ya ti siña i taotao para u na’lo tatte i paradisu. I Biblia ha sangan: “I tano’ mismo ma na’i guatu para i kannai i un táilayi.”Job 9:24.Taitai Genesis 3:23, 24.

Kao si Jeova ha abandona i orihinát-ña na intensión-ña para i taotao? Ahé! Guiya i saina. Ti siña linaisen. (Isaiah 45:18) Guiya para u na’na’lo tatte i nasión taotao taimanu ha’ i hafa ha intensióna gi finéne’na.Taitai Psalm 37:11, 34.

3. Taimanu i Paradisu u na’lo tatte?

I Paradisu para u na’lo tatte gi tano’ gi duranten as Jesus Inareklo-ña komu guiya i Rai para si Yu’us. I gera ni ma’á’agang Armageddon, si Jesus para u dirihi i mananghet siha ya para u fanmadestrosa todu ayu siha i ma kontra si  Yu’us. Pues si Jesus para u pongle si Satanás para 1,000 años. I taotao Yu’us para u fanla’la’ sa’ si Jesus para u dirihi yan protehi siha. Para u magosa i táihinekkok na lina’la’ gi tano’ Paradisu.Taitai Revelation 20:1-3; 21:3, 4.

4. Ngai’an para u taya pinadesi?

Ngai’an si Yu’us ni para u na’suha i tináilayi gi hilo’ tano’? Si Jesus ha na’i “señát” para ta tungo’ na i uttimo esta hihot. I presente na kondisión i tano’ ha aminasa i lina’la’ i taotao yan a’annok na mangaige hit gi “uttimon este na sistema.”Taitai Matthew 24:3, 7-14, 21, 22.

Gi duranten 1,000-años na inareklon Jesus ginen i langet para i tano’, guiya para u na’suha todu i pinadesi. (Isaiah 9:6, 7; 11:9) Guiya manenetbe komu Rai, si Jesus mas Magás na Pale’ ya para u kansela i isao todu ayu siha i gumuaiya si Yu’us. Pues, ginen as Jesus, si Yu’us para u na’suha i minalangu, inamko’, yan finatai.Taitai Isaiah 25:8; 33:24.

5. Hayi para u fanla’la’ gi mamamaila’ na Paradisu?

Gi Kingdom Hall, ni para un sodda’ taotao siha ni gumuaiya si Yu’us yan manmalago’ manmanungo’ taimanu ni para u mafabot gue’

I taotao ni manmanosge gi as Yu’us para u fanla’la’ gi Paradisu. (1 John 2:17) Si Jesus ha na’fanhanao i disipilu-ña siha para u ma aligao i manhumitde na taotao ya para u fanmafa’na’gue taimanu u fanma’aksepta gi as Yu’us. Pa’go, si Jeova ha prepapara miyón na taotao para i lina’la’ gi tano’ Paradisu. (Zephaniah 2:3) Gi Kingdom Hall i Testigun Jeova siha, i taotao manmanunungo’ para mas maolek na esposu yan tata yan mas maolek na esposa yan nana. I famagu’on yan mañaina manarespeta yan manmanunungo’ taimanu para u fanbenefisiu ginen i maolek na notisia.Taitai Micah 4:1-4.