Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 11

Taimanu i Prinsipát Gi Biblia Ha Benefisiu Hit?

Taimanu i Prinsipát Gi Biblia Ha Benefisiu Hit?

1. Sa’ hafa na ta nisisita manmadirihi?

Taimanu i prinsipát gi Biblia ha fanu’i hit para ta adahi?PSALM 36:9.

I Kreadót-ta tomtom-ña ki hita. Komu i guaiyayon na Tata, Ha adahi hit todos. Lokkue’ ti Ha intensióna na para ta dipende hit giya guiya. (Jeremiah 10:23) Pues kulan i un patgon ni ha nisisita ma dirihi mo’na ni mañaina-ña, todos hit ta nisisita manmadirihi mo’na gi as Yu’us. (Isaiah 48:17, 18) I prinsipát gi Biblia siha ha probeniyi regalu ginen as Yu’us para u dirihi hit.Taitai 2 Timothy 3:16.

I lai yan i prinsipát Jeova ha fana’na’gue hit ni mas maolek na chalan i lina’la’ pa’go yan ha fa’nunu’i hit taimanu ta gana i bendisión gi mamamaila’ na tiempo. Si Yu’us muna’huyong hit, debidi ta agradesi ya ta oppe i otden-ña.Taitai Psalm 19:7, 11; Revelation 4:11.

2. Hafa na prinsipát siha gi Biblia?

I prinsipát gi Biblia guiya i fondamenton i minagahet siha. I lai gi Biblia, siña ha’ para i propiu gi hafa na situasión. (Deuteronomy 22:8) Debi ta usa abilidát na hinasso ni para ta komprende taimanu ta aplika i prinsipát gi propiu na situasión. (Proverbs 2:10-12) Pot i hemplo, i Biblia ha fana’na’gue hit na i lina’la’ regalu ginen as Yu’us. Ayu na prinsipát siña ha dirihi hit gi che’cho’, gi gima’, yan mientras mankarerera hit. Ha fa’nunu’i hit para ta chule’i asiguráo na inadahi.Taitai Acts 17:28.

3. Manu gi dos na prinsipát finéne’na?

Si Jesus ha sangan dos na prinsipát ni sen impottante. I finéne’na ha na’annok i propósitu-ña pot i lina’la’ i taotao—para u matungo’ si Yu’us, para u magofli’e’ gue’, yan para u masetbe gue’ gi  mandichosu na manera. Este i finéne’na na prinsipát debidi u makonsidera gi todu i disisión. (Proverbs 3:6) Todu ayu i umaksepta i prinsipát gi korason-ñiha para u maganna i inágofli’e’ Yu’us, gi magahet na minagof yan táihinekkok na lina’la’.Taitai Matthew 22:36-38.

I sigundo na prinsipát siña ha dirihi hit gi pas na inátungo’ yan i otro siha. (1 Corinthians 13:4-7) Yanggen ta aplika este i sigundo na prinsipát annok na ta eyak si Yu’us trata-ña gi taotao.Taitai Matthew 7:12; 22:39, 40.

4. Taimanu i prinsipát gi Biblia ha benefisiu hit?

I prinsipát gi Biblia ha fa’na’gue i familia siha taimanu para u fandaña gi inágofli’e’. (Colossians 3:12-14) I Palabran Yu’us lokkue’ ha protetehi i familia ginen i fina’na’guen i otro na prinsipát—gi matrimoniu ni debidi u petmanente.Taitai Genesis 2:24.

Komu un tattiyi i fina’na’gue gi Biblia, siña ha protehi hit gi matiriát yan gi cháthinasso. Pot i hemplo, i ma’gas gi che’cho’ ga’o-ña ayu siha i umaplika i prinsipát gi Biblia ni manonesto yan manbrabu. (Proverbs 10:4, 26; Hebrews 13:18) I Palabran Yu’us lokkue’ ha fa’na’gue hit para ta fankontento ni ayu na kosas siha ni manprisisu yan para ta na’bali i inágofli’e’-ta gi as Yu’us mas ki i matiriát na kosas siha.Taitai Matthew 6:24, 25, 33; 1 Timothy 6:8-10.

Yanggen ta aplika i prinsipát gi Biblia siña ha’ ha protehi i hinemlo’-ta. (Proverbs 14:30; 22:24, 25) Pot i hemplo, yanggen ta osge si Yu’us tinago’-ña gi lai pot maneska ha protehi hit gi pipino’ na peste yan gi desgrasia. (Proverbs 23:20) Si Jeova ha aturisa hit para ta fangimen atkahót , lao solu gi regulát. (Psalm 104:15; 1 Corinthians 6:10) I tinago’ Yu’us na prinsipát gi Biblia ha benefisiu hit ginen i fina’na’gue para u adahi hit gi che’cho’-ta yan lokkue’ gi hinasso-ta. (Psalm 119:97-100) Lao, i magahet na Kilisyanu ti marespeta ha’ i lai ginen as Yu’us pot para u fanbenefisiu. Ma cho’cho’gue pot para u maonra si Jeova.Taitai Matthew 5:14-16.