Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 13

Hafa i Maolek Na Notisia Siha Pot Rilihón?

Hafa i Maolek Na Notisia Siha Pot Rilihón?

1. Kao todu rilihón manmaolek?

Guaha siha mansinseru na taotao gi todu rilihón. Maolek na notisia sa’ si Yu’us ha lili’e’ todu ayu siha na taotao ya Ha adadahi. Lao gof na’triste, sa’ i rilihón ma u’usa para tináilayi. (2 Corinthians 4:3, 4; 11:13-15) Sigun gi gaseta, guaha na rilihón siha mansaonao manamenasa, gi gera, yan manmolestia famagu’on. Hafa ti u fanpininiti ayu siha i mansinseru hinenggen-ñiha gi as Yu’us!Taitai Matthew 24:3-5, 11, 12.

Ayu i magahet na rilihón ha glorifika si Yu’us, ya i manfatso na rilihón siha ma na’desganáo sinente-ña. I fatso na rilihón manmamana’na’gue hinasso ni taya gi halom i Biblia, kontodu i manfatso na fina’na’gue pot si Yu’us yan pot i finatai. Lao si Jeova malago’ na i taotao u matungo’ i minagahet pot guiya.Taitai Ezekiel 18:4; 1 Timothy 2:3-5.

2. Hafa i manmaolek na notisia siha pot rilihón?

Sen na’magof, na si Yu’us ti fina’baba nu ayu na rilihón i sumasangan na maguaiya gue’ lao gi magahet i guinaiyan-ñiha gaige gi bandan Satanás. (James 4:4) I Palabran Yu’us ha sangan na todu i manfatso na rilihón komu “Babylon the Great.” I Babylon guiya i antigu na siuda anai matutuhon i manfatso na rilihón este masusedi despues anai Delubio gi tiempon Noah. Ti apmam, si Yu’us para u na’fansuha este siha na rilihón i dumadagi yan humuhoño’ i taotao siha.Taitai Revelation 17:1, 2, 5, 16, 17; 18:8.

Guaha mas manmaolek na notisia. Si Jeova ti malefa nu ayu i mansinseru na taotao ni mangaige gi halom i manfatso na rilihón. Ha na fandadaña’ ayu siha na taotao ya Ha fana’na’gue ni minagahet.Taitai Micah 4:2, 5.

 3. Hafa i mansinseru na taotao para u macho’gue?

I magahet na rilihón ha na fandadaña’ i taotao

Si Jeova ha adahi i taotao ni gumuaiya hafa magahet yan maolek. Ha é’eppok siha na u fansuha gi manfatso na rilihón. I taotao ni gumuaiya si Yu’us ma malago’i matulaika siha pot para u manamagof si Yu’us.Taitai Revelation 18:4.

Gi finéne’na na siklo, anai i mansinseru na taotao ma hunggok i maolek na notisia ginen i apóstoles, ensigidas ha’ manmanoppe ni minagof-ñiha. Sa’ matungo’ i nuebu na chalan i lina’la’ ginen as Jeova. I chalan ni gof na’magof ni gai intensión yan deniseha. Siha i maolek na hemplo para hita pa’go, sa’ ginen siha ni umoppe i maolek na notisia ya ma polu si Jeova finéne’na gi lina’la’-ñiha.Taitai 1 Thessalonians 1:8, 9; 2:13.

Si Jeova ha konne’ halom gi familia-ña ayu siha i sumuhayi i manfatso na rilihón. Komu un aksepta i imbitasión ginen as Jeova hagu para un risibi inágofli’e’ yan guiya, i nuebu na guaiyayon familia ni umádora si Jeova, yan i táihinekkok na lina’la’.Taitai Mark 10:29, 30; 2 Corinthians 6:17, 18.

4. Taimanu si Yu’us para u na’fatto minagof gi todu i lugát?

I mamamaila’ na huisio pot i fatso na rilihón maolek na notisia. Para u na’fatto alibiu ginen i chinatsaga siha gi todu i tano’. Ni ngai’an ta’lo i fatso na rilihón u na’fanabak yan u dibidi i taotao siha. Todu i manlala’la’ para u fandaña’ gi hinenggen unu ha’ na magahet na Yu’us.Taitai Revelation 18:20, 21; 21:3, 4.