Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 3

Kao i Maolek na Notisia Magahet na ginen as Yu’us?

Kao i Maolek na Notisia Magahet na ginen as Yu’us?

1. Hayi i Dueñun i Biblia?

I maolek na notisia para i taotao ni para u fanla’la’ táihinekkok gi hilo’ tano’ matuge’ gi halom i Biblia. (Psalm 37:29) Gi halom i Biblia 66 pot todu na lepblo. Si Yu’us ha usa 40 na manfiét na lalahi para umátuge’ halom. I sinko gi finéne’na gi lepblo matuge’ ginen as Moises 3,500 manma’pos na sakkan. I uttimo gi lepblo matuge’ ginen as apóstoles Juan mas ki 1,900 gi manma’pos na sakkan. Hayi gai idea tumuge’ i Biblia ni ma representa? Si Yu’us ha adingani eskribienten i Biblia papa’ ginen i sagradu na espiritu-ña. (2 Samuel 23:2) Matuge’ papa’ i hinasson ­Yu’us siha, ahe’ ti hinasson-ñiha i eskribiente. Pues si Jeova i Dueñun i Biblia.Taitai 2 Timothy 3:16; 2 Peter 1:20, 21.

2. Taimanu ta asiguráo na i Biblia magahet?

Ta tungo’ na i Biblia ginen as Yu’us sa’ i sinangan-ña pot i mamamaila’ prifekto klaru. Taya taotao siña chomo’gue ayu. (Joshua 23:14) Solu ha’ i Mas Tákkilo’ na Yu’us siña ha li’e’ prifekto i mamamaila’ na lina’la’ taotao.Taitai Isaiah 42:9; 46:10.

Ta tungo’ na i lepblo ginen as Yu’us taya parehu-ña, este magahet. Meggai na kopian i Biblia ma na’fanhuyong gi mas ki siento na lengguahi. Maseha apmam na tiempo, i Biblia guaha ha apreba gi science. Lokkue’ i 40 na eskribiente ti ma kontradisi i unu yan otro. * I Biblia ha na annok si Yu’us guinaiya-ña yan i fuetsa-ña para u tulaika i lina’la’ taotao para minaolek. Este fakto na ha kombense miyón na i Biblia Palabran Yu’us.Taitai 1 Thessalonians 2:13.

 3. Hafa pot i Biblia?

I Biblia ha sentro pot i maolek na notisia na si Yu’us guaha guaiyayon propósitu-ña para i taotao. I Eskritura ha esplika taimanu i taotao pribilehun-ñiha pot lina’la’ gi paradisu ni malingu taftaf yan taimanu para u na’lo i paradisu tatte.Taitai Revelation 21:4, 5.

Si Yu’us Palabra-ña ha konsisti lai, prinsipát, yan abisu siha. Yan otro, i Biblia ha nota i istorian Yu’us anai ha trata i taotao—i istoria annok si Yu’us kualidat-ña. Pues, i Biblia siña ha’ ayuda hao tumungo’ si Yu’us. Ha esplika taimanu ni siña para en amigu na dos.Taitai Psalm 19:7, 11; James 2:23; 4:8.

4. Taimanu siña un komprende i Biblia?

Este na lepblo para u ayuda hao para un komprende i Biblia ginen i parehu na cho’cho’ si Jesus ha usa. Ha mensiona unu na palabra gi Biblia despues ha esplika “hafa i kumeke ilék-ña gi Eskritura.”Taitai Luke 24:27, 45.

Guaha siha manfeman na interes gi maolek na notisia ginen as Yu’us. Lao, guaha taotao para kehi siha nu ayu, yan otro manenestototba. Munga ni na’disganáo. I un diseseha pot i táihinekkok na lina’la’ dipende gi tiningo’-mu gi as Yu’us.Read John 17:3.

 

^ par. 3 Atan este na lepblo i A Book for All People.