Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 12

Taimanu Ni Siña Para Un Hihot Guatu Gi As Yu’us?

Taimanu Ni Siña Para Un Hihot Guatu Gi As Yu’us?

1. Kao si Yu’us ha hungok todu i tináyuyot?

Si Yu’us ha kombibida i taotao para u fanhihot guatu giya guiya gi tináyuyot. (Psalm 65:2) Lao, ti Ha ékungok pat ti Ha aksepta todu klasin tináyuyot. Pot i hemplo, i tináyuyot i lahi ni ti ha tratan maolek i asagua-ña siña ha’ ti ha hungok si Yu’us. (1 Peter 3:7) Lokkue’, anai gi tiempon Israilitas ma konsigi i binaba, si Yu’us ha renunsia para u ékungok i tináyuyot-ñiha. Klaru este, na i tináyuyot pribilehu para hita. Sinembatgo, si Yu’us ha aksepta i tináyuyot siha maseha makkat na isao komu mañotsot hao.Taitai Isaiah 1:15; 55:7.

2. Taimanu para ta fanmanáyuyot?

I tináyuyot patte gi adorasión-ta, pues debi ta fanmanáyuyot guatu mismo gi Kreadót-ta as Jeova. (Matthew 4:10; 6:9) Lokkue’, pot i ti manprifekto hit, debi ta fanmanáyuyot gi na’an Jesus sa matai pot isao-ta. (John 14:6) Si Jeova ti malago’ nu hita para ta ripiti i madimimoria pat sinó matuge’ na tináyuyot. Malago’ na para ta fanmanáyuyot ginen i korason-ta.Taitai Matthew 6:7; Philippians 4:6, 7.

I Kreadót-ta siña ha hungok i silensio na tináyuyot siha. (1 Samuel 1:12, 13) Ha kombibida hit para ta fanmanáyuyot gi kada okasión, tat komu gi tutuhon yan gi uttimon i dia, yan gi oran chumocho, yan yanggen ta fáfana’ problema siha.Taitai Psalm 55:22; Matthew 15:36.

3. Sa’ hafa i magahet na Kilisyanu na mandadaña?

Makkat para ta fanhihot guatu gi as Yu’us, sa’ mangaige hit gi halom i taotao ni manchathinengge gi as Yu’us yan ma botleleha i promesa-ña pot i pas gi tano’. (2 Timothy 3:1, 4; 2 Peter 3:3, 13) Pues ta nisisita manetnon yan i  mane’lu-ta gi hinengge, sa’ siha lokkue’ mana’sisita hit.Taitai Hebrews 10:24, 25.

Yanggen mandadaña’ hit yan ayu i gumuaiya si Yu’us ha ayuyuda hit mas humihot guatu giya guiya. I miteng i Testigun Jeova siha ha pribeniyi maolek na opottunidát para ta fanbenefisiu ginen i hinenggen i otro siha.Taitai Romans 1:11, 12.

4. Taimanu ni siña hao humihot guatu gi as Yu’us?

Hagu siña humihot guatu gi as Jeova yanggen un hahasso hafa tiningo’-mu ginen i Palabra-ña. Ta konsidera i kinalamten che’cho’-ña, i abisu-ña, yan i promesa-ña. I sinseru na tináyuyot gi hinasso-ta hana’fitme i agradesimiento-ta gi halom korason-ta para i guinaiya yan tinemtom Yu’us.Taitai Joshua 1:8; Psalm 1:1-3.

Siña ha’ humihot hao guatu gi as Yu’us solu ha’ yanggen un angokko gue’. Lao i hinengge kulan lala’la’ ni ha na’nisisita mana’chocho. Debidi un sesu muna’chocho i hinengge-mu yanggen un hahasso hafa na gaige hao guini na hinengge.Taitai Matthew 4:4; Hebrews 11:1, 6.

5. Taimanu un benefisiu yanggen un na’hihot hao guatu gi as Yu’us?

Si Jeova ha adahi todu ayu i manmanguaiya nu guiya. Siña Ha protehi siha ginen i pumalu ni umespapanta i hinenggen-ñiha yan i denisehan-ñiha nu i táihinekkok na lina’la’. (Psalm 91:1, 2, 7-10) Ha akonseha hit kontra i chalan siha gi lina’la’ ni ha minanasa i hinemlo’-ta yan minagof-ta. Si Jeova ha fana’na’gue hit ni mas maolek na chalan lina’la’.Taitai Psalm 73:27, 28; James 4:4, 8.