Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 2

Hayi si Yu’us?

Hayi si Yu’us?

1. Sa’ hafa na debi ta adora si Yu’us?

I magahet na Yu’us guiya i Kreadót todu i kosas i tano’ siha. Taya tutuhon-ña yan ni ngai’an ni u guaha uttimo-ña. (Psalm 90:2) Guiya i Hale’ i maolek na notisia siha ni ma sodda’ gi halom i Biblia. (1 Timothy 1:11) Komu si Yu’us muna’i hit lina’la’, debidi ta adora gue’ mismo.Taitai Revelation 4:11.

2. Hafa si Yu’us na klasi?

Taya taotao siña ha li’e’ si Yu’us sa’ guiya Espiritu, kumeke ilek-ña guiya mas tákkilo’ na lina’la’ kini i fina’tinas-ña ni manla’la’ gi tano’. (John 1:18; 4:24) Sinembatgo, hita siña ha’ ta li’e’ si Yu’us na petsona ginen todu i fina’tinas-ña siha. Pot i hemplo, i todu klasi na fruta yan flores siha ha sangangani hit ni guinaiya-ña yan i tinemtom-ña. I enanchun i langet ha sangangani hit pot i fuetsa-ña.Taitai Romans 1:20.

Siña ta tungo’ mas pot si Yu’us na petsona yanggen ta taitai i Biblia. Pot i hemplo, ha sangani hit hafa si Yu’us ya-ña yan hafa ti ya-ña, taimanu trata-ña ni taotao, yan taimanu para u cho’gue gi diferentes na situasión siha.Taitai Psalm 103:7-10.

3. Kao guaha si Yu’us na’an-ña?

Si Jesus ha sangan: “Tatan-mami gi langet umátuna i na’an-mu.” (Matthew 6:9) Áchokká si Yu’us meggai titulu-ña, guiya unu ha’ na’an-ña. Gi kada lengguahi, ma pronununsia otro. Gi Engles ma pronunsia “Jehovah.” Lao guaha siha taotao ma pronunsia “Yahweh.”Taitai Psalm 83:18.

Si Yu’us ma na’suha i na’an-ña gi meggai na Biblia ya ma pega ni títula Lord pat God. Lao anai i Biblia matuge’ ha sisini  na’an Yu’us 7,000 na biahi. Si Jesus ha na’matungo’ na’an Yu’us anai ha fa’na’gue i taotao pot si Yu’us.Taitai John 17:26.

4. Kao si Jeova ha adahi pot hita?

Kulan este guini i guaiyayon na tata, si Yu’us ha cho’cho’gue hafa maolek para hita gi mamamaila’

Kao todu i pinadesi siha kumeke ilek-ña na si Jeova na Yu’us ti ha adahi pot hita? Guaha taotao siha ma insiste na guiya munáfanmamadedesi hit para u aprueba hit, lao este ti magahet.Taitai James 1:13.

Si Yu’us ha na’i i taotao ni diknidát na libettát. Kao ti ta agradesi iyo-ta libettát ni para ta setbe si Yu’us? (Joshua 24:15) lao meggai umáyek para umácho’gue i manbaba na cho’cho’ gi otro taotao, pues i pinadesi mas mumeggai. Mampos puti si Jeova para u li’e’ i inhustisia.Taitai Genesis 6:5, 6.

Si Jeova na Yu’us guiya ha adahi pot hita. Guiya malago’ para ta gosa i lina’la’. Ti apmam para U na’fansuha i pinadesi yan ayu siha i munáfanmamadedesi hit. Mientras, guaha maolek na rasón Ha sedi i pinadesi para un ratu. I Leksión 8, ni para ta tungo’ hafa ayu na rasón.Taitai 2 Peter 2:9; 3:7, 13.

5. Taimanu ni siña hit manhihot guatu gi as Yu’us?

Si Jeova ha kombibida hit para ta fanhihot guatu giya guiya ginen i tináyuyot. Interesáo gi kada unu giya hita. (Psalm 65:2; 145:18) Bumulontariu para U fandespensa. Ha tungo’ iyo-ta empenu ni para ta fabot gue’, maseha guaha na biahi ni manilaisen hit. Maseha ti manprifekto hit, siña ha’ ta gosa manhihot guatu gi as Yu’us.Taitai Psalm 103:12-14; James 4:8.

Ginen as Jeova na mangailina’la’ hit, ayu na debi ta guaiya gue’ mas kini otro. (Mark 12:30) Un espresa i guinaiya-mu para si Yu’us yanggen manungo’ hao mas pot guiya ya un cho’cho’gue hafa finaisesen-ña, hagu para un mas hihot guatu giya guiya.Taitai 1 Timothy 2:4; 1 John 5:3.