Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 4

Hayi Si Jesu-Kristo?

Hayi Si Jesu-Kristo?

1. Taimanu tinituhon i lina’la’-ña si Jesus?

Hafa na kualidát muna’siña ma uriyayi si Jesus?MATTHEW 11:29; MARK 10:13-16.

Ti parehu yan i taotao, si Jesus sumasaga gi langet komu espiritu na petsona antes di u mafañagu gi tano’. (John 8:23) Guiya i finéne’na na ni na’huyong Yu’us, yan guiya manayuda para u mana’huyong todu klasi siha. Guiya ha’ solamente na ni na’huyong ginen as Jeova ya ayu na ma agang “uniku na lahi-ña” si Yu’us. (John 1:14) Si Jesus ha setbe si Yu’us Komu tentagu, ayu na ma á’agang “I Palabra.”Taitai Proverbs 8:22, 23, 30; Colossians 1:15, 16.

2. Sa’ hafa na matto si Jesus papa’ gi tano’?

Si Yu’us ha na’anao i lahi-ña para i tano’ ginen i langet ya ha transfera i lina’la’-ña para i matrís bithen as Maria. Pues si Jesus taya tata-ña taotao. (Luke 1:30-35) Si Jesus matto papa’ gi tano’ (1) para u fama’na’gue ni magahet pot si Yu’us, (2) para u fanu’i hit i hemplo taimanu para ta cho’gue minalago’ Yu’us maseha manggai chinatsaga hit, yan (3) para u na’i i prifekto na lina’la’-ña komu “i satbadót.”Taitai Matthew 20:28.

3. Sa’ hafa na ta nisisita satbadót?

I satbadót presiu-ña ha apasi para u sotta i taotao ginen i finatai. (Exodus 21:29, 30) I finatai yan inamko’ ti patte gi as Yu’us na orihinát-ña para i taotao. Hafa taimanu ta tungo’ enao? Si Yu’us ha sangani i finéne’na na taotao, as Adám, komu ha komiti hafa ma á’agang gi Biblia “isao,” guiya para u matai. Pues komu si Adám ti u misao, guiya ni ngai’an ni u matai.(Genesis 2:16, 17; 5:5) Gaige gi Biblia, na  i finatai “hinatme” i taotao siha ginen as Adám. Pues si Adám ha erensia todu i famagu’on-ña ni isao yan kastigu, yan finatai. Ta nisisita satbadót para u na’libre hit ginen i kastigun finatai ginen as Adám.Taitai Romans 5:12; 6:23.

Hayi siña umapasi i satbasión para u na’fanlibre hit ginen i finatai? Yanggen matai hit, ta apasi mutta-ta mismo para i isao-ta. Taya taotao siña para u apasi i isao otro siha.Taitai Psalm 49:7-9.

4. Sa’ hafa si Jesus na matai?

Ti parehu yan hita, si Jesus prifekto. Pues ti ha nisisita para u matai pot i isao-ña—taya isao ha komiti. Lao si Jesus matai pot i isao i otro siha. Mampos maloffan si Yu’us guinaiya-ña para i taotao sa’ ha na’hanao i lahi-ña para u matai pot hita. Si Jesus lokkue’ annok guinaiya-ña para hita sa’ ha osge si Tata-ña yan ha entrega i lina’la’-ña para isao-ta siha.Taitai John 3:16; Romans 5:18, 19.

5. Hafa si Jesus ha cho’cho’gue pa’go?

Anai gaige gi tano’, si Jesus ha na’fanhomlo’ i manmalangu, ha na’fangahulo’ i manmatai, ha reskata i taotao gi piniligro. Ha na’annok hafa para u cho’gue gi mamamaila’ ni manobidiente na taotao siha. (Matthew 15:30, 31; John 5:28) Despues anai matai si Jesus, si Yu’us ha na’la’la’ gi espiritu na petsona. (1 Peter 3:18) Si Jesus despues ha nangga gi agapa na kannai Tata-ña asta ki si Jeova ha na’i gue’ ni fuetsa para u Rai gi enteru i tano’. (Hebrews 10:12, 13) Pa’go si Jesus guiya manmamanda komu Rai gi langet, yan i taotao-ña manmananununsia pot ayu i maolek na notisia gi enteru i tano’.Taitai Daniel 7:13, 14; Matthew 24:14.

Ti apmam, si Jesus para u usa i fuetsa-ña komu Rai gue’ para u na’fakpo todu i pinadesi yan ayu i muna’fanmamadedesi. Todu ayu i manmanhonge gi as Jesus yan manmanosge nu guiya para u magosa i lina’la’ gi tano’ paradisu.Taitai Psalm 37:9-11.