Upos para sinahguan

Upos para i segundo gi menu

Upos para i sinahguan gi sanmena

Testigun Jeova Siha

Chamorro

Maolek Na Notisia Siha Ginen As Yu’us!

 LEKSIÓN 7

Hafa i Rainon Yu’us?

Hafa i Rainon Yu’us?

1. Hafa i Rainon Yu’us?

Hafa si Jesus na taya parehu-ña para Rai?MARK 1:40-42.

I Rainon Yu’us gi langet. Guiya para u kuentayi todu i gobietno siha, ya guiya mismo para u cho’gue i minalago’-ña gi langet yan i tano’. I notisia siha pot i Rainon Yu’us manmaolek. Ti apmam i Rainon Yu’us para u na’fansatisfecho i nisisidat i taotao siha. Para u na’fandaña’ todu i manla’la’ gi hilo’ tano’.Taitai Daniel 2:44; Matthew 6:9, 10; 24:14.

I Raino debidi u guaha rai. Si Jeova ha apunta i Lahi-ña, as Jesu-Kristo, para Rai gi Raino-ña.Taitai Revelation 11:15.

2. Sa’ hafa si Jesus na guiya i mas maolek para Rai?

I lahen Yu’us guiya i mas maolek para Rai sa’ guiya mames sensia-ña yan fitme para i dinanche. (John 1:14) Lokkue’, Guiya gai fuetsa para u ayuda i taotao sa’ Guiya para u otden enteru i tano’ ginen i langet. Despues di mula’la’ ta’lo, humanao hulo’ gi langet ya mata’chong ya Ha nangga gi agapa na kannai Jeova. (Hebrews 10:12, 13) Pot fin, si Yu’us ha na’i gue’ fuetsa para u tutuhon manotden.Taitai Daniel 7:13, 14.

3. Hayi para u fanotden yan si Jesus?

I inetnon ni manma’á’agang “i santolón siha” para u fanmanotden yan si Jesus gi langet. (Daniel 7:27) I finéne’na na santolón siha manma’ayek i manfiet na apóstoles Jesus. Si Jeova ha kontinua manayek ni manfiet na lalahi yan famalao’an komu santolón siha asta pa’go. Taiguihi gi as Jesus ni mula’la’ gi espiritu na tátaotao.Taitai John 14:1-3; 1 Corinthians 15:42-44.

 Kuantu na taotao para u fanhanao hulo’ gi langet? Si Jesus ha agang siha “dídidé na inetnon.” (Luke 12:32) Pot fin siha para u makumple 144,000 na inayek. Para u fanmanodtden gi hilo’ tano’ yan si Jesus.Taitai Revelation 14:1.

4. Hafa ma susedi anai si Jesus ha tutuhon manotden?

Si Yu’us Raino-ña ha tutuhon manotden gi 1914. * Si Jesus finé ne’na na aksión-ña komu Rai gue’ para u daggao papa’ si Satanás yan i demonio siha gi tano’. Si Satanás mulalalo ya ha tutuhon mama’tinas problema gi enteru gi tano’. (Revelation 12:7-10, 12) Desde ayu, i pinadesin taotao mas atdet. Gera, ha’ilas, peste yan linao siha todu este patte gi “siñát” na i Raino ti apmam para u arekla i probleman i tano’.Taitai Luke 21:7, 10, 11, 31.

5. Hafa i Rainon Yu’us ha kumple?

Ginen i enteru i tano’ na cho’cho’ pinagat, i Rainon Yu’us esta ha na’fandaña i taotao ginen todu i nasión. Miyón na manhumitde na taotao ma tatittiyi si Jesus. I Rainon Yu’us para u protehi siha yanggen ma destrosa i presente na manbaba siha gi sisteman i tano’. Pues todu ayu siha i manmalago’ para u fanbenifisiu ginen i Rainon Yu’us debidi u matungo’ para u fanobidiente gi as Jesus.Taitai Revelation 7:9, 14, 16, 17.

Gi duranten este i 1,000 años, i Raino para u kumple si Yu’us i orihinát-ña ni ha intensión para i taotao. Enteru i tano’ para u fama’paradisu. Pot fin, si Jesus para u na’i i Raino tatte gi as Tata-ña. (1 Corinthians 15:24-26) Kao guaha un tungo’ malago’-mu para un sangani pot i Rainon Yu’us?Taitai Psalm 37:10, 11, 29.

 

^ par. 6 Para mas klaru na prófesia pot i 1914 na sakkan gi Biblia, atan i páhina 215-218 gi lepblon What Does the Bible Really Teach?